Janey និង Lilly ខំប្រឹងច្រៀងទាំងថ្ងៃយប់ រហូតមានលទ្ធភាពទិញផ្ទះយ៉ាងធំ ឲ្យម្ដាយឳពុកនៅ

ថៃ៖ តារាចម្រៀងថៃ ដែលជាបងប្អូនបង្កើតនឹងគ្នា កញ្ញា Janey និងកញ្ញា Lilly ហាក់កំពុងតែទទួលបានការគាំទ្រយ៉ាងខ្លាំង ពីសំណាក់មហាជនទាំងក្នុង និងក្រៅប្រទេស ជាមួយនឹងបទចម្រៀងបែបកំប្លែងៗជាច្រើន។

យ៉ាងណាមិញ ខណៈដែលប្រជាប្រិយភាពរបស់តារាចម្រៀងបងប្អូនស្រី២នាក់នេះ កំពុងមានសន្ទុះយ៉ាងគួរឲ្យកត់សម្គាល់ នាពេលថ្មីៗនេះ អ្វីដែលគួរឲ្យភ្ញាក់ផ្អើលនោះ គឺគេបានឃើញបងប្អូនស្រីមួយគូនេះ បានបង្ហោះរូបភាពផ្ទះដ៏ស្រស់ស្អាតមួយ ដែលពួកគេទាំងពីរ បានទិញជូនឪពុកម្ដាយ ដោយទាំងនេះជាកម្លាំងញើសឈាម ដែលអ្នកទាំងពីរ បានខិតខំរកមកដើម្បីបំពេញក្ដីសុខជូនអ្នកមានគុណរបស់ខ្លួន។

យ៉ាងណាមិញ សម្រាប់ទឹកចិត្តដ៏ល្អមួយនេះរបស់ តារាស្រី Janey និងLilly បានធ្វើឲ្យមហាជនសរសើរមិនដាច់ពីមាត់ថា បើទោះជាវ័យនៅក្មេងៗមែន ប៉ុន្តែពួកគេបានចេញធ្វើការរកប្រាក់ជួយផ្គត់ផ្គង់ និងជាពិសេសបានទិញផ្ទះ ជូនឱពុកម្ដាយឲ្យរស់នៅដោយសុខស្រួល មិនឲ្យលំបាកដូចពីមុនៗនោះឡើយ៕

ចង់ជ្រាបច្បាស់ សូមទស្សនារូបភាពខាងក្រោមនេះ៖ 

• តារាថៃ