សុខ សីឡាលីន មិនត្រឹមតែចូលរួមតន្រ្តីជនពិការទេ ថែមទាំងចំណាយថវិកាផ្ទាល់ខ្លួន បរិច្ចាគទៀត

ភ្នំពេញ៖ ប្រាកដជាមានប្រិយមិត្តមិនតិចនោះទេ បានពីតារាចម្រៀងស្រីសម្បុរស្រអែមកញ្ញា សុខ សីឡាលីន ជាក់ជាមិនខាន តាមរយៈការបកស្រាយសំនៀងរបស់នាង បានយ៉ាងល្អ ទទួលបានការគាំទ្រយ៉ាងខ្លាំង ពីសំណាក់មិត្តៗយុវវ័យ។

យ៉ាងណាមិញ មួយរយៈចុងក្រោយនេះ គេសង្កេតឃើញថាការងារសិល្បៈ របស់ម្ចាស់បទ«ពេលលែងមានអូនក្បែរ»កញ្ញា សុខ សីឡាលីន រូបនេះពិតជារវល់ខ្លាំងសឹងរកពេលឲ្យខ្លួនឯងសម្រាកគ្មានផង។

ជាក់ស្ដែង កាលពីយប់មិញ បានឃើញ គណនីហ្វេសប៊ុកផ្លូវការ របស់តារាចម្រៀងស្រីក្នុងផលិតកម្ម រស្មីហង្សមាស កញ្ញា សុខ សីឡាលីន ចូលរួមក្នុងកម្មវិធី សំនៀងតន្រ្តីជនពិការ ធ្វើឲ្យទស្សនិកជន នាំគ្នាទន្ទឹង រង់ចាំទស្សនាមិនតិចនោះទេ។

តែអ្វីដែលមានការចាប់អារម្មណ៍ខ្លាំង លើសពីនេះទៅទៀត នោះគឺតារាចម្រៀស្រី ដែលជាម្ចាស់បទ«ទឹកភ្នែកហូរគ្មានដង្ហើម» សុខ សីឡាលីន រូបនេះ មិនតែចូលរួមក្នុងកម្មវិធី សំនៀងតន្រ្តីជនពិការ នោះទេថែមទាំងបាន ជួយបរិច្ចាគថវិកាចំនួន ១០០ដុល្លារថែមទៀត ធ្វើឲ្យបណ្ដាអ្នកគាំទ្រមិនតិចនោះទេ បានលាន់មាត់សរសើរគ្រប់ៗគ្នា៕

• សុខ សីឡាលីន
• រូបភាព
• តារាខ្មែរ