បរទេស៖ Liverpool បានរង់ចាំរួចជាស្រេចនៅវគ្គផ្តាច់ព្រ័ត្រ ដោយត្រៀមខ្លួនជួបនឹងក្រុមខ្លាំងមួយក្នុងចំណោម Ajax Asterdam និង Tottenham Hotspurs។ មុនការប្រកួតដ៏ជក់ចិត្តនេះចូលមកដល់ “ខ្មែរឡូត” សូមធ្វើការជម្រាបត្រួសៗនូវស្ថិតិមួយចំនួនរបស់ក្រុមទាំង២ មុននឹងសង្គ្រាមលើសមរភូមិវាលស្មៅពណ៌បៃតងនេះចាប់ផ្តើម។ គួររម្លឹកថា Spur ត្រូវបានក្រុម Ajax នាំមុខមុន ១-០ កាលពីជើងទី១ នៅឯកីឡដ្ឋាន New White Hart Lane របស់ខ្លួន។ យ៉ាងណាក្តី អព្ភូតហេតុនៅតែអាចកើតមានគ្រប់ពេលក្នុងពិភពបាល់ទាត់។
• ស្ថិតិ ៥ប្រកួតចុងក្រោយ
Ajax ដែលជាម្ចាស់ផ្ទះកំពុងមានទម្រង់លេងល្អគួរឱ្យកត់សម្គាល់ ជាក់ស្តែង ៥ប្រកួតចុងក្រោយនេះ Ajax នៅមិនទាន់ចាញ់នៅឡើយទេ ដោយបានយកឈ្នះ Ajax ២-១, ឈ្នះ Groningen ១-០, ឈ្នះ Vitesse ៤-២, ឈ្នះ Spur ១-០, ឈ្នះ Willem II ៤-០។ ដោយឡែក Spur វិញ ហាក់ដូចជាមិនសូវកាក់កបប៉ុន្មានទេ ដោយ ៥ប្រកួតចុងក្រោយនេះចាញ់៤ ឈ្នះ១ ដោយចាញ់ក្រុម Bournemouth, Ajax, Man City និងចុងក្រោយគេនេះគឺចាញ់ក្រុម West Ham ១-០ ដោយឈ្នះតែមួយប្រកួតប៉ុណ្ណោះពេលប៉ះ Brighton។
ដោយឡែកចំពោះប្រវត្តិជួបគ្នាវិញ ជ័យជម្នះរបស់ Ajax ១-០ គឺជាការជួបគ្នាជាលើកដំបូងបំផុតក្នុងប្រវត្តិសាស្ត្ររបស់ក្លិបទាំងពីរ។
• កីឡាករអវត្តមាន
Ajax ហាក់មានប្រៀបជាង Spur បន្តិច ដោយត្រូវអវត្តមានកីឡាករ Carel Eiting តែម្នាក់ប៉ុណ្ណោះដោយសារបញ្ហារបួស។ ដោយឡែក Spur នឹងត្រូវអវត្តមានកីឡាករសំខាន់ជាច្រើននាក់ដោយសារបញ្ហារបួសរួមមាន: Jan Vertonghen, Erik Lamela, Serge Aurier, Harry Kane, Harry Winks និង Davinson Sanchez ជាដើម។ យ៉ាងណាមិញ Spurs ក៏ហាក់ធូរចិត្តបន្តិចដែរចំពោះការបង្ហាញខ្លួនរបស់ Son ក្រោយពីផុតបម្រាមពិន័យមួយប្រកួតរបស់គេ។
សូមបញ្ជាក់ថា ការប្រកួតជើងទី២ វគ្គពាក់កណ្តាលផ្តាច់ព្រ័ត្ររវាង Ajax និង Tottenham Hotspurs នឹងត្រូវធ្វើឡើងនៅវេលាម៉ោង ០២:០០នាទីទាបភ្លឺ (យប់នេះ) ក្នុងទឹកដីកីឡដ្ឋាន Johan Cruyff Arena នាទីក្រុងអាំស្ទែរដាំ ប្រទេសហូឡង់៕ ចុះចំណែកប្រិយមិត្តយើងវិញ! ពេញចិត្តក្រុមមួយណាដែរ? Ajax ឬ Spur??
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]