ភ្នំពេញ៖ ក្រុមហ៊ុន Thank AI Corporation (សែងអៃ ខប់ភើរេសិន) របស់ជប៉ុន បានបើកសាខានៅក្នុងប្រទេសកម្ពុជា តាមរយៈការបង្កើតក្រុមហ៊ុនមួយ ដែលមានឈ្មោះថា Thank AI Cambodia (សែង អៃ ខេមបូឌា) ហើយក្រុមហ៊ុននេះត្រូវបានប្រកាសជាផ្លូវការកាលពីចុងសប្តាហ៍នេះ ដែលមានទីតាំងស្ថិតនៅជាន់ទី៦ នៃអាគារភ្នំពេញលែនលេខ ១៤ ផ្លូវលេខ ៥៤៨ ក្នុងសង្កាត់បឹងកក់ ខណ្ឌទួលគោក រាជធានីភ្នំពេញ។
លោក Makoto Fujiwara (ម៉ាកូតូ ហ្វូជីម៉ារ៉ា) នាយកក្រុមហ៊ុន Thank AI Corporation បានថ្លែងថា ដោយសារតែមានការពេញចិត្តកំណើនសេដ្ឋកិច្ចរីកលូតលាស់ជាបន្តបន្ទាប់ និងកំណើនកើនឡើងរបស់ប្រជាជនកម្ពុជា ពិសេសលើបញ្ហាថែទាំសុខភាព លោកបានសម្រេចចិត្តជាមួយមិត្តភក្តិជាជនជាតិខ្មែរ ហើយក៏សម្រេចចិត្តបង្កើតក្រុមហ៊ុននេះឡើងនៅកម្ពុជា។
លោកថា ក្រុមហ៊ុន Thank AI Cambodia នឹងរួមចំណែកធ្វើអោយពលរដ្ឋខ្មែរមានសុខភាពល្អ កម្លាំងមាំមួនតាមរយៈការប្រើប្រាស់ផលិតផល អាហារបំប៉នសុខភាពរបស់ជប៉ុន ដែលទទួលបានការគាំទ្រ និងប្រើប្រាស់ច្រើន និងមានភាពជោគជ័យជាបន្តបន្ទាប់នៅបណ្តាប្រទេសចំនួន ៧ រួចមកហើយដូចជា ប្រទេសជប៉ុន ប្រទេសហ្វីលីពីន សឹង្ហបូរី ទីក្រុងម៉ាកាវ កោះតៃវ៉ាន់ ទីក្រុងហុងកុង ប្រទេសថៃ ម៉ាឡេស៊ី និងប្រទេសវៀតណាម ហើយកម្ពុជាជាប្រទេសទី ៨ ដែល Thank AI មានវត្តមាន។ លោកថា ផលិតផលអាហារបំប៉នសុខភាពរបស់ក្រុមហ៊ុន Thank AI មានទាំងប្រភេទម្ស៉ៅលាយទឹក ប្រភេទទឹក និងប្រភេទគ្រាប់ ដែលរលាយពេលដាក់ចូលក្នុងមាត់ ជួយបំប៉នសារធាតុរ៉ែនៅក្នុងរាងកាយធ្វើឱ្យសុខភាពមាំមួន ដែលអាចប្រើបានតាំងពីកូនក្មេងរហូតដល់មនុស្សចាស់។
លោក Makoto Fujiwara (ម៉ាកូតូ ហ្វូជីម៉ារ៉ា) បានបង្ហាញបំណងសំខាន់ ដែលក្រុមហ៊ុនលោកឈានជើងចូលទីផ្សារប្រទេសកម្ពុជា គឺចង់ឱ្យអតិថិជនអ្នកប្រើប្រាស់មានភាពជឿជាក់ និងទុកចិត្តលើផលិតផល ដែលក្រុមហ៊ុនលោកនាំចូល ព្រោះវាជាផលិតផលរបស់ជប៉ុនសុទ្ធសាធ មិនប៉ះពាល់សុខភាព ហើយប្រើប្រាស់បានគ្រប់វ័យ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]