តោះ មកមើលស្ទាយ៍រៀបចំបន្ទប់គេង ដែលមានទំហំតូច ឲ្យមើលទៅមានភាពទាក់ទាញ គួរឲ្យចង់រស់នៅ!

ជាការពិតណាស់ បន្ទប់គេងពិតជាមានសារៈសំខាន់ណាស់ ក្នុងជីវភាពរស់នៅរបស់ប្រិយមិត្តរាល់គ្នា។ អ្វីដែលសំខាន់ គឺត្រូវធ្វើយ៉ាងណា ឲ្យបន្ទប់គេងនោះប្រកបដោយផាសុកភាព ដើម្បីគួរឲ្យចង់ស្នាក់នៅផងដែរ។

លើសពីនេះទៅទៀតនោះ បើទោះបីជាទំហំបន្ទប់គេងតូចយ៉ាងណាក៏ដោយ ក៏នៅតែមានវិធីដើម្បីឲ្យមានភាពទាក់ទាញ និងស្រស់ស្អាតបានដែរ។ ព្រោះជាក់ស្តែង ប្រសិនបើអ្នកមានគំនិត នៅក្នុងការរៀបចំ តុបតែង វាអាចនឹងស្អាតជាងបន្ទប់ដែលធំទូលាយក៏ថាបាន។

អ្វីដែលពិសេស ក្នុងការធ្វើឲ្យបន្ទប់តូចមានផ្ទៃធំនោះគឺ ត្រូវផ្លាស់ប្ដូរមកលាបផ្ទៃជញ្ជាំងពណ៌សវិញ ព្រោះពណ៌ប្រភេទនេះមើលទៅស្រស់ស្អាត និងអាចឲ្យបន្ទប់ទូលាយបានទៀតផង។ មួយវិញទៀត ចំណុចដែលសំខាន់ គឺការជ្រើសរើសគ្រឿងសង្ហារឹមឲ្យបានសក្តិសមនឹងទំហំរបស់បន្ទប់។

ម៉្យាងទៀត ដើម្បីទទួលបានការតុបតែងដ៏ល្អឥតខ្ចោះនោះ គឺត្រូវយករបស់ណាដែលមិនសូវប្រើទុកក្នុងថតទូ ហើយដាក់តាំងរបស់ដែលអាចបង្កើននូវសោភណ្ឌភាពបន្ទប់ដូចជា អំពូលក្បាលដំណេក ស៊ុមរូបថត និងថូផ្កា ព្រមទាំងអំពូលភ្លើងតូចៗអម​ជាមួយផង៕

ចង់ដឹងពីស្ទាយ៏រៀបចំបន្ទប់ ឲ្យកាន់តែស្រស់ស្អាត​យ៉ាងណានោះ ទស្សនារូបភាពខាងក្រោម៖ 

• រូបភាព