នរណាក៏ដឹងដែរ មហារីកជាជំងឺកាចសហាវមានច្រើនប្រភេទពិបាកក្នុងការព្យាបាល ឯមហារីកមួយចំនួនព្យាបាលមិនជានោះទេ បានត្រឹមប្រើថ្នាំពន្យាជីវិតប៉ុណ្ណោះ។ ត្បិតមហារីកសាហាវ តែយើងម្នាក់ៗអាចបង្ការមិនឲ្យកើតជំងឺនេះបាន ដោយចាប់ផ្តើមពីទម្លាប់នៃការរស់នៅ ហូបចុកជាដើម នេះបើតាមការបញ្ជាក់របស់លោកវេជ្ជបណ្ឌិត អ៊ាវ សុខា ប្រធានផ្នែកជំងឺមហារីក ជំងឺឈាម នៃមន្ទីរពេទ្យកាល់ម៉ែត។
១- កុំជក់បារីគ្រប់ប្រភេទ
បារីមានជាតិនីកូទីន អ្នកជក់បារី ចុកថ្នាំ ឬអ្នកស្រូបផ្សែងដោយប្រយោល សុទ្ធតែទទួលរងផលប៉ះពាល់ដូចគ្នា រួមមាន ជំងឺមហារីកសួត បេះដូង បំពង់ក មាត់ធ្មេញ។
២- ញ៉ាំអាហារសុខភាព
កុំញ៉ាំសាច់ ខ្លាញ់អាក្រក់ច្រើន ឬពពួកអាហារប្រៃ-ផ្អែមខ្លាំង មិនល្អចំពោះសុខភាពយើងទេ ហើយងាយកើតជំងឺច្រើនណាស់មុខណាស់។
៣- ហាត់ប្រាណទៀងទាត់
ចំណាយពេលតែ ១៥ នាទី ឬកន្លះម៉ោង/១ថ្ងៃ ធ្វើលំហាត់ប្រាណ នោះសុខភាពយើងក៏ល្អ ជំងឺកាចសាហាវផ្សេងក៏មិនមកយាយីដែរ។
៤- ចៀសវាងការត្រូវកម្តៅថ្ងៃខ្លាំង
រស្មីអុលត្រាវីយូឡេពីកម្តៅថ្ងៃជាមូលហេតុនៃជំងឺមហារីកស្បែក ដូច្នេះយើងមិនត្រូវឲ្យស្បែកត្រូវកម្តៅព្រះអាទិត្យខ្លាំងញឹកញាប់ពេកនោះទេ គួរតែលាបក្រែមការពារកម្តៅថ្ងៃរាល់ពេលចេញក្រៅ។
៥- បរិស្ថានរស់នៅស្អាត មិនមានខ្យល់ពុល
ខ្យល់ពុលក៏ជាមូលហេតុនៃការកើតជំងឺមហារីកដែរ យកល្អយើងគួរមានបរិស្ថានរស់នៅស្អាតគ្មានខ្យល់ពុល។
៦- បំដៅដោះកូន
ការសិក្សាបង្ហាញថា ម៉ាក់ៗដែលបំបៅដោះកូន មិនសូវមានហានិភ័យកើតជំងឺមហារីកសុដន់នោះទេ។
៧- កំណត់ការញ៉ាំជាតិអាល់កុលឲ្យបានតិច
តួលេខប្រុសៗដែលកើតជំងឺមហារីកថ្លើមច្រើនបំផុត នេះក៏ចំណែកនៃការផឹកស្រាលើសកម្រិត។
៨- ចាក់វ៉ាក់សាំងការពារ
រលាកថ្លើមប្រភេទ B និងមហារីកមាត់ស្បូន ជំងឺមហារីក ២ មុខនេះ មានវ៉ាក់សាំងចាក់ការពារហើយ ដូច្នេះចាំអីទៀត ត្រូវតែចាក់វ៉ាក់សាំងការពារ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
