ខេត្តកំពង់ធំ ៖ តាមសចក្តីរាយការណ៍បឋមបានឲ្យដឹងថា ករណីគ្រោះធម្មជាតិនេះបានកើតឡើង កាលពីវេលាម៉ោង១៦និង៤៥នាទីល្ងាច ថ្ងៃទី០១ ខែឧសភា ឆ្នាំ២០១៩ ខណៈមេឃភ្លៀងផង ផ្គរផងលាយឡំ និងខ្យល់កន្ត្រាក់០១លើក បណ្តាលឲ្យស្លាប់ម្នាក់ និងរលំផ្ទះ០១ខ្នង នៅតំបន់អូរធំ ស្ថិតនៅក្នុងភូមិរន្ទះ ឃុំទំរីង ស្រុកសណ្តាន់ ខេត្តកំពង់ធំ ។
សេចក្តីរាយការណ៍បានបន្តថា ជនរងគ្រោះជាម្ចាស់ផ្ទះឈ្មោះ ចិន រិន ភេទប្រុស អាយុ៥២ឆ្នាំត្រូវបានផ្ទះរលំបាក់សង្កត់លើ បណ្តាលឲ្យស្លាប់ ចំណែកប្រពន្ធឈ្មោះ បូ ស៊ីណាត អាយុ៤២ឆ្នាំ មានកូន២នាក់ ក្នុងបន្ទុក មិនមានគ្រោះអ្វីនោះទេ មានស្រុកកំណើតនៅភូមិគន្ធំ ឃុំច្រនាង ស្រុកបារាយណ៍ បច្ចុប្បន្នទៅរស់នៅក្នុងភូមិកើតហេតុខាងលើ ។ ដែលខូចខាតរលំផ្ទះ០១ខ្នងទំហំ៥ម៉ែត្រគុណ ៧ម៉ែត្រធ្វើអំពីឈើប្រក់ស័ង្កសី រួម និងសម្ភារប្រើប្រាស់ក្នុងផ្ទះមួយចំនួនទៀត ។
ដោយមានការយកចិត្តទុកដាក់ពីអាជ្ញាធរនៅព្រឹកថ្ងៃទី២ ខែឧសភានេះ គេសង្កេតឃើញ លោកឡង គីសឹង អភិបាលស្រុកសណ្តាន់បាននាំយកនូវអំណោយរបស់អនុសាខាកាកបាទក្រហមកម្ពុជាស្រុកសណ្តាន់ចុះទៅជួយឧបត្ថម្ភដល់កន្លែងកើតហេតុ ដើម្បីចូលរួមរំលែកទុក្ខ ដែលមានសម្ភារៈ និងថវិកាមួយចំនួនជូនដល់ក្រុមគ្រួសារនៃសព ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
