ខេត្តកោះកុង ៖ ពាក់ព័ន្ធករណីលើប្រទះឃើញវ៉ាលិសចំនួន៤ បានប្លុងចោលនៅលើចិញ្ចើមផ្លូវនោះ សមត្ថកិច្ចបើកពិនិត្យនិងឆែកឆេរក្នុងវ៉ាលិស គឺឃើញមានតែខោអាវ គ្រឿងសម្អាងរបស់មនុស្សស្រី និងឃើញមានអត្តសញ្ញាណប័ណ្ណបុរសជនជាតិចិនម្នាក់ផងដែរ ដោយមិនមានរបស់អ្វីដែលអាចបង្កគ្រោះថ្នាក់នោះទេ នៅវេលារសៀលថ្ងៃទី០២ ឧសភា នេះ បន្ទាប់ពីកម្លាំងបានសម្រេចគាស់សោវ៉ាលិសទាំង៤ឆែកឆេររួចមក។ អ្វីដែលកត់សម្គាល់ គឺបានបង្កការភ្ញាក់ផ្អើលដល់ប្រជាពលរដ្ឋយ៉ាងខ្លាំង ដោយនាំគ្នាមកចោមមើលគ្រប់គ្នា និងឆ្ងល់ភ្លេចឬក៏ធ្វើភ្លេចវាលិសទាំង៤នេះ ។
គួរបញ្ជាក់ថា ពលរដ្ឋម្នាក់បានប្រទះឃើញវ៉ាលីសទាំង៤ ក៏ធ្វើឱ្យបង្កការភ្ញាក់ផ្អើលដល់សមត្ថកិច្ច តាំងពីវេលាម៉ោង០៦ និង២៥នាទីព្រឹកមកម្ល៉េះ ត្រង់ចំណុចលើចិញ្ចើមផ្លូវក្បែររបងភូមិគ្រឹះលោកស្រីអភិបាលខេត្តកោះកុង ភូមិ៤ សង្កាត់ដងទង់ ក្រុងខេមរភូមិន្ទ ដោយភ្លាមៗគ្រប់គ្នាបានខ្លាច សង្ស័យមានវត្ថុអ្វីមួយនៅក្នុងវ៉ាលីសដែលវាអាចបង្កគ្រោះថ្នាក់ដល់មនុស្សបាន ។
មកទល់រសៀលថ្ងៃដដែល សមត្ថកិច្ចកំពុងស្រាវជ្រាវរកម្ចាស់វ៉ាលីសទាំង៤នេះបន្ត ។
ព័ត៌មានបន្ថែមនឹងមានផ្សាយជូនបន្តទៀត ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
