រាជធានីភ្នំពេញ ៖ នារីវ័យក្មេងម្នាក់មិនដឹងថាមានរឿងអ្វីនោះទេ សង្ស័យរថយន្តអស់សាំងបានបើករថយន្តស៊េរីទំនើបមួយគ្រឿងធ្វើដំណើរផ្លូវសុខៗ ស្រាប់តែឈប់រថយន្តកណ្ដាលផ្លូវ រួចចុះដើរទៅបាត់ ដោយបន្សល់ទុករថយន្តនៅកណ្តាលផ្លូវ បង្កឱ្យមានការកកស្ទះចរាចរណ៍យ៉ាងខ្លាំងកាលពីម៉ោង៨និងនិង១០នាទីយប់ ថ្ងៃទី១ ខែឧសភា ឆ្នាំ២០១៩ ជិតគល់ស្ពានអាកាសស្ទឹងមានជ័យត្រើយខាងត្បូង ផ្លូវ២៧១ សង្កាត់ស្ទឹងមានជ័យ២ ខណ្ឌមានជ័យ ។
តាមប្រភពពីបងប្អូនពលរដ្ឋដែលធ្វើដំណើរផ្លូវបានឱ្យដឹងថា មុនកើតហេតុ គេបានឃើញនារីវ័យក្មេងម្នាក់បានបើករថយន្តស៊េរីទំនើប ម៉ាក PORSCHE ពណ៌ខ្លាឃ្លោក ពាក់ស្លាកលេខ ភ្នំពេញ 2O 6366 ធ្វើដំណើរតាមផ្លូវ២៧១ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ មិនដឹងថានារីរូបនោះមានរឿង ក៏ស្រាប់តែឈប់រថយន្តកណ្តាលផ្លូវ ហើយបានចុះពីលើរថយន្តដើរចេញទាំងរំភើយទៅបាត់ ដោយមិនខ្វល់ពីការកកស្ទះចរាចរណ៍ដល់អ្នកដំណើរផ្សេងទៀតទាល់តែសោះ ។
មួយសន្ទុះក្រោយមក ឃើញមានសមត្ថកិច្ចបានចុះទៅជួយសម្រួលចរាចរណ៍ ដើម្បីបញ្ចៀសការកកស្ទះចរាចរណ៍ ក៏ស្រាប់ឃើញនារីម្នាក់ និងបុរសម្នាក់បានជិះម៉ូតូកង់បីឥណ្ឌាមកហើយនិយាយថា រថយន្តរបស់ពួកគេអស់សាំង ហើយពេលនោះដែរសមត្ថកិច្ចក៏បានឱ្យពួកគេអូសរថយន្តយកទៅចាក់សាំង ដើម្បីកុំឱ្យមានការកកស្ទះចរាចរណ៍ដល់អ្នកដំណើរដទៃទៀត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
