ខេត្តកែប ៖ មែកឈើដ៏ធំមួយបានបាក់សង្កត់លើខ្ទមអ្នកតាក្រហមក រហូតមកដល់ពេលនេះអាជ្ញាធរនៅមិនទាន់យកចេញនៅឡើយទេ ។
តាមប្រភពពីស្ត្រីម្នាក់ឈ្មោះមិល មុំ អាយុ៣០ឆ្នាំ រស់នៅភូមិកែប សង្កាត់កែប ក្រុងកែប បានប្រាប់កោះសន្តិភាពឱ្យដឹងកាលពីព្រឹកថ្ងៃទី៣០ ខែមេសា កន្លងទៅនេះថា មែកឈើធំមួយមែកបានបាក់សង្កត់ទៅលើខ្ទមអ្នកតាក្រហម.ក ជាប់ផ្លូវចូលទៅក្រុមហ៊ុនបកសាច់ក្ដាមតាំងពីមុនចូលឆ្នាំប្រពៃណីខ្មែរ រហូតមកដល់ពេលនេះក៏នៅតែអាជ្ញាធរមិនទាន់ស្ទូចយកមែកឈើធំនោះចេញនៅឡើយ ។
តាមប្រភពដដែលបានបន្តថា ពេលដែលមែកឈើបាក់សង្កត់លើខ្ទមអ្នកតាក្រហម.ក និងគ្របលើផ្លូវបេតុង ហើយគាត់បានទាក់ទងទៅអាជ្ញាធរអោយជួយយកមែកឈើដែលសង្កត់លើខ្ទមអ្នកតានោះចេញដែរ តែមិនទាន់ឃើញអាជ្ញាធរចុះមកដោះស្រាយនៅឡើយទេ ។
តាមប្រភពដដែលបានរៀបរាប់ប្រាប់ថា ខ្ទមអ្នកតាក្រហម.កនេះ គឺត្រូវបានថែមើលតាំងពីឪពុករបស់គាត់នៅរស់មកម្ល៉េះ តែឥឡូវឪពុករបស់គាត់បានស្លាប់បាត់ទៅហើយ ប៉ុន្តែសព្វថ្ងៃនេះគាត់ជាកូនបានបន្តមើលថែរក្សាខ្ទមអ្នកតាក្រហម.កដូចឪពុកដែរ ព្រោះតែទទួលបានសេចក្តីសុខរហូតមក ។
តាមប្រភពដដែលបានរៀបរាប់ប្រាប់បន្តទៀតថា មែកឈើដ៏ធំមួយនេះបានបាក់ ដោយអត់មានភ្លៀងខ្យល់អ្វីនោះទេ និងបណ្តាលឱ្យមនុស្ស២នាក់បានរងរបួសពេលដែលមែកឈើបាក់ និងអ្នកជិះម៉ូតូក៏បានជិះបុកមែកឈើនេះផងដែរ ។
ស្ត្រីឈ្មោះមិល មុំ ក៏បានអំពាវនាវដល់អាជ្ញាធរឱ្យចុះមកស្ទូចយកមកមែកឈើដ៏ធំមួយនេះចេញពីខ្ទមអ្នកតា ព្រោះអ្នកតាបានអោយប្រផ្នូលអាក្រក់ដល់អ្នកភូមិកែប ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]