មុនសម្រេចចិត្តកាត់សក់ខ្លី ស្រីៗគ្នាយើងត្រូវគិត រឿងសំខាន់៥យ៉ាង នេះជាមុនសិន

កម្សាន្ត៖ ជាការពិតណាស់ ម៉ូតសក់ពិតជាមានសារៈសំខាន់ សម្រាប់ស្រីៗគ្នាយើង។ ជាពិសេស ចំពោះអ្នកដែលមានសក់វែងវិញ ពេលខ្លះគិតថា ចង់ប្ដូរម៉ូតសក់ដោយកាត់យក ម៉ូតសក់ខ្លីទៅវិញ។

ប៉ុន្តែ បើនិយាយពីផលប្រយោជន៏នៃសក់ខ្លី ក៏ល្អម៉្យាងដែរ ដោយសារមិនចាំបាច់ចំណាញពេលក្នុងការច្នៃម៉ូតយូរ លើសពីនេះ គឺ មិនពិបាកពេលដែលកក់សក់ម្ដងៗ។ អ្វីដែលរឹតតែពិសេសនោះគឺ គេសង្កេតឃើញថា នារីដែលមានសក់ខ្លី មានភាពទាក់ទាញជាង នារីសក់វែង។

ប៉ុន្តែ មុននឹងសម្រេចចិត្ត ផ្លាស់ប្ដូរម៉ូតសក់ ទៅជាសក់ខ្លីវិញ នារីរាល់គ្នា ត្រូវគិតពីរឿងដែលសំខាន់៥យ៉ាង ខាងក្រោមជាមុនសិន៖

១: ជ្រើសរើសម៉ូតសក់ណា ដែលសាកសមសម្រាប់ផ្ទៃមុខ៖ ការធ្វើបែបនេះគឺអាចជួយលើកសម្រស់ នៃផ្ទៃមុខរបស់អ្នកទាំងអស់គ្នា បានមួយកម្រិតទៀតផង ប្រសិនបើចេះជ្រើសរើសម៉ូតបានត្រឹមត្រូវ។

២: មានម៉ូតសក់គំរូ៖ ពេលណាដែលមានម៉ូតសក់ជាគំរូនោះ គឺបង្កការងាយស្រួលដល់ជាងកាត់សក់ ហើយយើងអាច​ ទទួលបានម៉ូតដូចចិត្ត របស់យើងទៀតផង។

៣: ត្រូវពិចារណាឲ្យបានម៉ត់ចត់៖ ប្រាកដណាស់ថា សក់ពិតជាសំខាន់ ហើយបើយើងកាត់ខុស នោះនឹងមានការស្ដាយក្រោយ។ ដូច្នេះហើយ កុំប្រើពេលវេលាខ្លីក្នុងការពិចារណានោះអី ត្រូវគិតឲ្យបានច្បាស់ ព្រោះសក់ត្រូវការពេលវេលា ដើម្បីវែងដូចដើមវិញ។

៤: ជ្រើសរើសកន្លែងកាត់សក់ណា ដែលគួរឲ្យទុកចិត្ត៖ ចំណុចនេះមានភាពសំខាន់ខ្លាំង ព្រោះថា បើយើងទៅកន្លែងណាដែលមិនស្គាល់ពីមុន គឺមិនគួរឲ្យទុកចិត្តនោះទេ ដូចនេះទើប ត្រូវទៅកន្លែងណា ដែលមានជំនាញច្បាស់លាស់។

៥៖ ត្រៀមសម្ភារៈសម្រាប់ម៉ូតសក់ខ្លី៖ ប្រសិនបើអ្នកសម្រេចចិត្តថា កាត់សក់ហើយនោះ គឺត្រូវត្រៀមសម្ភារៈសម្រាប់ច្នៃម៉ូតសក់ ដោយហេតុថា សក់ខ្លីត្រូវការចាំបាច់ឲ្យមានការគៀប ឬមួរ ជាប្រចាំទើបឃើញម៉ូតស្អាត៕ 

• ម៉ូត
• រូបភាព