ខេត្តកំពង់ឆ្នាំង ៖ រថយន្តដឹកស៊ីម៉ង់ត៍មួយគ្រឿងបានផ្ទុះកង់មុខ បណ្ដាលឲ្យឆាបឆេះស្ទើរទាំងស្រុង ខណៈពេលកំពុងបើកបរលើផ្លូវជាតិលេខ៥ មកដល់ចំណុចភូមិត្រពាំងចាន់ ឃុំត្រពាំងចាន់ ស្រុកបរិបូណ៌ ។ ដែលហេតុការណ៍នេះបានកើតឡើងនៅវេលាម៉ោង១និង៣០ នាទីរសៀលថ្ងៃទី៣០ ខែមេសានេះ ។
សមត្ថកិច្ចនគរបាលនៅកន្លែងកើតហេតុបានឲ្យដឹងថា មុនពេលកើតហេតុរថយន្តខាងលើជារថយន្តដឹកស៊ីម៉ង់ត៍ក្នុងដំណើរពីលិចទៅកើត លុះមកដល់ចំណុចកើតហេតុក៏ដោយសារអាកាសធាតុក្តៅខ្លាំង បណ្ដាលឲ្យផ្ទុះកង់មុខក្លាយជាអណ្ដាតភ្លើង ហើយក៏បានឆាបឆេះកាប៊ីនមុខតែម្តង ។ ភ្លាមៗនោះអ្នកបើកបររថយន្តក៏បានហក់គេចចេញរួចខ្លួនពីគ្រោះថ្នាក់ ។
ប្រភពដដែលបានបន្តថា ក្នុងហេតុការណ៍ខាងលើនេះដែររថយន្តពន្លត់អគ្គិភ័យរបស់អធិការនគរបាលស្រុកបរិបូណ៌បានចេញអន្តរាគមន៍ពីរថយន្តបាញ់ពន្លត់ទាន់ពេលវេលា ប៉ុន្តែយ៉ាងនេះក្តីរថយន្តបានឆេះបណ្តាលខ្ទេចកាប៊ីនមុខស្ទើរទាំងស្រុងទៅហើយ ។ ហេតុការខាងលើ សមត្ថកិច្ចបានបញ្ជាក់ថា គឺមូលហេតុមកពីបណ្ដាលមកពីក្តៅខ្លាំងពេក ទើបបណ្ដាលឲ្យផ្ទុះកង់បែបនេះ ។
ហេតុការណ៍នេះមិនបណ្ដាលឱ្យអ្នកណារងរបួសនោះទេ ប៉ុន្តែបណ្ដាលឲ្យស្ទះចរាចរណ៍ជាង១ម៉ោងផងដែរ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
