ខេត្តកំពង់ចាម ៖ ស្របពេលដែលកំដៅអាកាសធាតុមានការប្រែប្រួល ដោយបានហក់ឡើងរហូតដល់ទៅជិត៤០អង្សា នារសៀលថ្ងៃទី២៨ ខែមេសា ឆ្នាំ២០១៩ ដោយធ្វើឲ្យម្នាក់ៗពិបាកនឹងទ្រាំនេះការប្រែប្រួលអាកាសធាតុ ។
បន្ទាប់មកគេបានឃើញដុំពពកចាប់ផ្តើមខ្មៅងងឹតបន្តិចម្តងៗ ហើយខ្យល់កន្ត្រាក់លាយ ឡំដោយភ្លៀង បានបោកបក់មកលើក្រុងកំពង់ចាម និងតាមបណ្តាស្រុកផ្សេងៗមួយចំនួនក្នុងនោះសូម្បីតែរោងការបានរៀបចំដើម្បីទទួលភ្ញៀវ ក៏ត្រូវបានខ្យល់បក់កួចប៉ើងរលំរាបដល់ដីផងដែរ ។
លោក អ៊ិន គឹមហួន មេឃុំរអាងមានប្រសាសន៏ថា នៅក្នុងភូមិថ្មគោល ឃុំរអាង ស្រុកកំពង់សៀមកូនរបស់អ្នកភូមិបានរៀបចំមង្គលការទៅតាមប្រពៃណីខ្មែរហើយរោងការបានរៀបចំតុដាក់កែវចានត្រៀមទទួលភ្ញៀវជិតឆ្ងាយដោយនៅវេលាម៉ោងជាង៣រសៀលថ្ងៃខាងលើ ស្រាប់តែមានខ្យល់កន្ត្រាក់បានកើតឡើងដោយលាយឡំជាមួយនឹងភ្លៀងបណ្តាលឲ្យរោងការប៉ើងរោងរប៉ាត់រប៉ាយ បែកចាន និងកែវតុនៅកណ្តាលវាល ។
រហូតដល់ពេលល្ងាចចុងភៅដែលមានភាពរហ័សរហួន បានរៀបចំរោងឡើងវិញហើយពិធីមង្គលការបានប្រព្រឹត្តទៅធម្មតា មានភ្ញៀវចូលរួមច្រើនកុះករនិងសប្បាយរីករាយដើម្បីចូលរួមអប់អរសាទរដល់កូនកម្លោះកូនក្រមុំថ្មីថ្មោង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]