ខេត្តស្វាយរៀង ៖ បុរសម្នាក់ជិះម៉ូតូត្រឡប់មកពីលេងផ្ទះមិត្ដភក្ដិផឹកស៊ីតិចតួចមក ដល់ផ្លូវដីខ្សាច់ស្រាប់តែដួល បណ្ដាលឱ្យបោកក្បាលពីក្រោយ និងជាំភ្នែកខាងស្ដាំ កាលពីវេលាម៉ោង៧និង៣០នាទីយប់ថ្ងៃទី១៩ មីនា ស្ថិតក្នុងភូមិវាយ ឃុំគគីរសោម ស្រុកស្វាយទៀប ។
ជនរងគ្រោះមានឈ្មោះមាស សុគន្ធ អាយុ៣៧ឆ្នាំ មានទីលំនៅភូមិសង្គម ឃុំគគីរសោម ស្រុកស្វាយទៀប។ តាមសម្ដីរបស់មិត្ដភក្ដិជនរងគ្រោះឱ្យដឹងថា នៅថ្ងៃកើតហេតុជនរងគ្រោះបានជិះម៉ូតូទៅលេងផ្ទះមិត្ដភក្ដិនៅភូមិ វាយហើយផឹកស៊ីជុំគ្នាអស់ស្រាប្រមាណ៣ទៅ៤កែវប៉ុណ្ណោះ ក៏សុំលាត្រឡប់ទៅផ្ទះវិញដោយខ្លាចយប់ជ្រៅ ។ ប្រភពដដែលបន្ដទៀតថា ពេលជិះម៉ូតូចេញបានប្រមាណជា២០ម៉ែត្រ មកដល់ផ្លូវលំដែលមានដីខ្សាច់ធ្វើឱ្យជនរងគ្រោះកាច់ចង្កូតមិន ទាន់ក៏ដួលបោកក្បាល បណ្ដាលឱ្យបែកក្បាល និងជាំភ្នែកមួយចំហៀងខាងស្ដាំ។
ក្រោយពេលកើតហេតុជនរងគ្រោះត្រូវមិត្ដភក្ដិ បញ្ជូនទៅព្យាបាលនៅមន្ទីរពេទ្យខេត្ត តែស្ថានភាពធ្ងន់ធ្ងរពេកក៏បញ្ជូនបន្ដទៅមន្ទីរពេទ្យព្រះកុសុមៈ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
