អំឡុងពេលមករដូវជា ពេលដែលស្រីៗយើងត្រូវសម្អាតខ្លួនប្រាណ និងត្រូវធ្វើឲ្យអនាម័យទ្វារមាសឲ្យបានល្អ នោះទើបទ្វារមាសមិនឆ្លងពពួករោគផ្សិត និងមេរោគផ្សេងៗ។ ការធ្វើអនាម័យ ឬប្រព្រឹត្តខុសក្បួន អាចនាំឲ្យមានផលប៉ះពាល់ចំពោះសុខភាព ដូច្នេះយើងគួរកែប្រែនូវទម្លាប់អាក្រក់ទាំងប៉ុន្មានខាងក្រោមនេះ។
១- មិនផ្លាស់ប្តូរសំឡីអនាម័យឲ្យបានញឹក
អំឡុងពេលមករដូវត្រឹម ៤-៥ ម៉ោង យើងត្រូវដូរសំឡីអនាម័យម្តង មិនត្រូវផ្អាប់ទុកយូរនោះទេ ព្រោះវាអាចបង្ករោគនៅទ្វារមាស។
២- តមអាហារ
ពេលមករដូវម្តងៗស្រីៗយើងបាត់បង់ឈាមច្រើន ធ្វើឲ្យអស់កម្លាំង ដូច្នេះយើងត្រូវតែញ៉ាំទឹក និងអាហារដែលមានជីវជាតិ ជាពិសេសអាហារមានជាតិដែកឲ្យច្រើន មិនត្រូវតម ឬមិនញ៉ាំអីនោះទេ ព្រោះរឹតតែធ្វើឲ្យស្លេកស្លាំង គ្មានកម្លាំងកំហែង។
៣- ប្រើផលិតផលផ្តល់ក្លិន
ដើម្បីសម្អាត និងបំបាត់ក្លិនមិនល្អ ស្រីៗយើងមួយចំនួនតែងប្រើផលិតដែលមានក្លិនក្រអូបៗយកលាងសម្អាត ឬបាញ់ទ្វារមាស ការធ្វើបែបនេះអាចរឹតតែបង្ករោគនៅទ្វារមាស ធ្វើឲ្យរមាស់ ធំុក្លិនមិនល្អ ធ្លាក់ស ក៏មាន។ យកល្អគួរតែលាងសម្អាតទ្វារមាសនឹងទឹកក្តៅឧណ្ហៗ។
៤- រួមភេទដោយមិនបានការពារ
គ្នាយើងមួយចំនួនតែងតែគិតថា ពេលមករដូវជាពេលដែលមានសុវត្ថិភាពក្នុងការរួមភេទ ការគិតដូច្នេះមិនត្រឹមត្រូវទេ រួមភេទអំឡុងពេលមករដូវអាចមានកូនបានប្រសិនបើរដូវស្រីៗមិនទៀង។
ឮក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]