ពេល​ពពោះ ស្រីៗគ្នា​យើង​ខំ​ធ្វើ​នេះ​ធ្វើ​នោះ ខ្លះ​ទៀត​ខំ​ផឹក​ថ្នាំ​ខ្មែរ​ផង ដើម្បី​កើត​កូន​ស្រួលមិន​ឈឺ​ពោះ​យូរ។ តាម​ក្បួន​វេជ្ជសាស្ត្រ​ថ្នាំខ្មែរ​មិន​អាច​ជួយ​បាន​ទេ ការ​កើត​កូន​តាម​ធម្មជាតិ​បាន​ស្រួល លុះណា​តែ​ម៉ាក់ៗ​មាន​លក្ខខណ្ឌ​សំខាន់ៗ ៤ ខាងក្រោម​នេះ៖ 

១- អាង​ត្រគាកធំ

មនុស្ស​ស្រីៗ​ម្នាក់ៗ​មាន​រូបរាង​មិន​ដូច​គ្នា។ កម្ពស់​បាន ត្រគាកសាយ លក្ខខណ្ឌ​សរីរាង្គ​មួយ​នេះ ធ្វើ​ឲ្យ​ម៉ាក់ៗ​ងាយ​នឹង​កើត​កូន​តាម​ធម្មជាតិ ជាង​ស្រីៗ​គ្នា​យើង​ដែល​មាន​កម្ពស់​ទាប ចាប់ពី ១.៥០ ម៉ែត្រ ចុះ​ក្រោម ទោះ​ជា​កូន​ក្នុង​ពោះ​ថ្លោស​បន្តិច​ក្តី។

២- គ្មាន​ជំងឺ​ប្រចាំកាយ

បើកូន​ក្នុង​ពោះ​មាន​សុខភាពល្អ ឯ​ម៉ាក់ៗវិញ​​​ក៏​មាន​សុខភាព​ល្អ គ្មាន​ជំងឺ​ប្រចាំ​កាយ ដូចជា ជំងឺហឺត-បេះដូង​ធ្ងន់ធ្ងរ ក្រឡាភ្លើង ជំងឺលើសឈាម… នោះ​ម៉ាក់ៗ​ប្រាកដជាកើត​អាច​កូន​តាម​ធម្មជាតិ​បាន។

៣- កូន​ក្នុង​ពោះ​មិន​ថ្លោស​ខ្លាំង​ពេក

កូន​ថ្លោស​ពេក ៤-៥ គីឡូក្រាម ច្បាស់​ជា​ម៉ាក់ៗ​ពិបាក​កើត​ហើយ ដូច្នេះ​យើង​ត្រូវ​តែ​តាមដាន​សុខភាព និង​គីឡូ​កូន​ជា​ប្រចាំ មិន​ត្រូវ​ញ៉ាំ​ច្រើន​ហួស​ហេតុ​តាម​ចិត្ត​ចង់​នោះ​ទេ។ អំឡុង​ពពោះ​ម៉ាក់ៗ​អាច​ឡើង​គីឡូ​ចន្លោះ​ពី ១០-១២ គីឡូ​បាន​ហើយ បើ​ឡើង​គីឡូ​ច្រើន​ជាង​នេះ កូន​ក្នុង​ពោះ​ក៏​ថ្លោស​ទៅ​តាម​នោះ​ដែរ។

៤- កូនបង្វិលក្បាលចុះក្រោម សុកមិនពាំងមាត់ស្បូន

បើ​បង្វិល​ក្បាល​ចុះ​ក្រោម ហើយ​សុក​ក៏មិនពាំងក្នុងកម្រិត​ណាមួយ​​ធ្ងន់ធ្ងរ​ទេ នោះ​​ម៉ាក់ៗ​ក៏​គ្មាន​ឧបសគ្គ​ក្នុងការ​សម្រាលតាមធម្មជាតិ​ដែរ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទផ្ដល់សិទ្ធិដោយ Hello Krupet 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]