ភ្នំពេញ៖ នាថ្ងៃទី ២៦ ខែមេសា ឆ្នាំ ២០១៩ ម្សិលមិញនេះ ក្រុមហ៊ុន គូបូតា បានរៀបចំសន្និសីទសារព័ត៌មានមួយនៅស្ថានីយទូរទស្សន៍ប៉ុស្តិ៍បាយ័ន ក្រោមអធិបតីភាពរបស់អ្នកតំណាងក្រុមហ៊ុន គូបូតា សហព័ន្ធកីឡាប្រដាល់គុនខ្មែរ និងស្ថានីយទូរទស្សន៍ប៉ុស្តិ៍បាយ័ន ដើម្បីប្រកាសពីការឧបត្ថម្ភទាំងស្រុងរបស់ខ្លួនក្នុងកម្មវិធីប្រដាល់គុនខ្មែរអន្តរជាតិ “គូបូតា បច្ចេកវិទ្យាកសិកម្មថ្មីដើម្បីអនាគត នាំមកជូន ជើងឯកប្រដាល់លេខមួយគូបូតា រដូវកាលទី 10”។
អ្វីដែលគួរឲ្យកត់សម្គាល់នោះគឺកិច្ចសហការដ៏ស្អិតរមួតជាបន្តបន្ទាប់រវាង ក្រុមហ៊ុន គូបូតា សហព័ន្ធកីឡាប្រដាល់គុនខ្មែរ និងស្ថានីយទូរទស្សន៍បាយ័ន បាននាំមកជូនលោកអ្នកនូវកំពូលកីឡាករជើងខ្លាំង ខ្មែរ-ថៃ ចំនួន 8 រូប ដើម្បីធ្វើការប្រកួត ដណ្តើមខ្សែក្រវាត់ដ៏ស្វិតស្វាញ និងជក់ចិត្តក្នុងកម្មវិធី “គូបូតា បច្ចេកវិទ្យាកសិកម្មថ្មីដើម្បីអនាគត នាំមកជូន ជើងឯកប្រដាល់លេខមួយគូបូតា រដូវកាលទី 10”។ អ្នកសេ្នហាកីឡាប្រដាល់ក្បាច់គុនបុរាណខ្មែរទាំងអស់អាចទស្សនាការប្រកួតនេះរៀងរាល់ថ្ងៃសុក្រ ចាប់ពីម៉ោង 7 យប់ ដល់ម៉ោង 9 យប់ នៅសង្វៀនបាយ័នស្ទឹងមានជ័យ ឬអាចទស្សនាតាមរយៈការផ្សាយផ្ទាល់ពីស្ថានីយទូរទស្សន៍ប៉ុស្តិ៍បាយ័ន។
នៅក្នុងរដូវកាលទី 10 នេះ មានកីឡាករជើងខ្លាំងប្រភេទទម្ងន់ 63.5 គីឡូក្រាម ប្រចាំព្រះរាជាណាចក្រកម្ពុជាដូចជា រិទ្ធ ភូលូ, ផល សោភ័ណ្ឌ, ចាន់ ប៊ុនហឿន និង ធន់ ចាន់តាក់ និងកីឡាករជើងខ្លាំងប្រភេទទម្ងន់ 63.5 គីឡូក្រាម ប្រចាំប្រទេសថៃមានដូចជា កូលាបដាម ផ្រាន, ហ្វានីមិត្ត វីរយៈហ្វាម, យុគផេត ផេតកាសាម និង ប្រាកៃផេត នីថៃសាមុយ។
ដោយមានការគ្រាំទ្រយ៉ាងខ្លាំងក្លាពីសំណាក់ប្រជាជនកម្ពុជាកន្លងមក គូបូតា បានឧបត្ថម្ភទាំងស្រុងក្នុងកម្មវិធីប្រដាល់នេះអស់រយៈពេល 6 ឆ្នាំជាប់ៗគ្នាដោយជោគជ័យ ដែលបច្ចុបន្ននេះវាបានក្លាយជាកម្មវិធីប្រដាល់ដ៏ពេញនិយមបំផុតនៅក្នុងព្រះរាជាណាចក្រកម្ពុជា។ លើសពីនេះទៅទៀត គូបូតា ក៏បានដំណើរការកម្មវិធីប្រដាល់ជាមួយនឹងការប្រគំតន្ត្រីនៅតាមបណ្តាខេត្តក្នុងព្រះរាជាណាចក្រកម្ពុជា ចាប់ពីឥឡូវនេះរហូតដល់ចុងឆ្នាំ 2019 ដើម្បីផ្តល់ភាពសប្បាយរីករាយដល់កសិករកម្ពុជា។
គូបូតា ក៏បានថ្លែងអំណរគុណយ៉ាងជ្រាលជ្រៅដល់ប្រជាជនកម្ពុជា ជាពិសេសកសិករកម្ពុជាដែលតែងតែគាំទ្រកម្មវិធី “ជើងឯកប្រដាល់លេខមួយគូបូតា” ដែលបានធ្វើឱ្យវាក្លាយជាកម្មវិធីប្រដាល់ដ៏ពេញនិយមបំផុតប្រចាំព្រះរាជាណាចក្រកម្ពុជា ក៏ដូចជាតែងតែប្រើប្រាស់គ្រឿងចក្រកសិកម្ម គូបូតា ជួយឲ្យ គូបូតា លក់ដាច់លេខមួយនៅកម្ពុជា។
មិនតែប៉ុណ្ណោះ គូបូតា ថែមទាំងបានសន្យាថា នឹងតែងតែនាំមកជូនលោកអ្នកនូវភាពសប្បាយរីករាយជានិច្ច និងតែងតែនៅជាមួយកសិករដើម្បីចែករំលែកចំនេះដឹង និងបទពិសោធន៍ ក៏ដូចជានាំមកជូនកសិករនូវ “បច្ចេកវិទ្យាកសិកម្មថ្មីដើម្បីអនាគត” ដែលជួយឱ្យវិស័យកសិកម្មកាន់តែរីកចម្រើនផងដែរ។ យើងសង្ឃឹមថាប្រជាកសិករអាចធ្វើកសិកម្មបានកាន់តែងាយស្រួល មានការចំណាយតិចប៉ុន្តែទទួលបានផលដំណាំច្រើន អាចបង្កើនចំណូលបានកាន់តែច្រើនធ្វើឱ្យជីវភាពធូរធារ និងមានភាពរុងរឿង ហើយក៏ជួយផ្តល់ពិភពលោកនូវចំណីអាហារដែលមានគុណភាព និងសុវត្ថិភាពផងដែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]