ដំឡូងបារាំង សម្បូរទៅដោយសារធាតុចិញ្ចឹមពិសេសៗ ហើយគុណសម្បត្តិវាល្អខ្លាំងណាស់សម្រាប់សុខភាព ជាពិសេស គឺការសម្រកទម្ងន់ដោយការទទួលទានដំឡូងបារាំងស្ងោរធម្មតា។ ដោយអ្នកអាចប្រើដំឡូងស្ងោរទទួលទានជាមួយអាហារផ្សេងៗក៏បានដែរ គឺសុទ្ធតែមានគុណប្រយោជន៍បំផុត។
ដូច្នេះចង់ដឹងថា ការទទួលទានដំឡូងបារាំងស្ងោរ ជួយដល់សុខភាពអ្វីខ្លះ មកតាមដានទាំងអស់គ្នា៖
១. គ្រប់គ្រងទម្ងន់
ការទទួលទានដំឡូងបារាំងស្ងោរ ពិតជាល្អពិសេសណាស់សម្រាប់អ្នកដែលចង់រក្សារូបរាងឱ្យស្អាត ការពារការធាត់ និងអាចបញ្ចុះទម្ងន់បានថែមទៀតផង ដោយវាអាចជួយកាត់បន្ថយចំណង់អាហារផ្សេងៗបានយ៉ាងល្អ។ ប៉ុន្តែត្រូវចាំថា មានប្រយោជន៍ខាងសម្រកទម្ងន់សម្រាប់តែការទទួលទានដំឡូងបារាំងស្ងោរធម្មតាតែប៉ុណ្ណោះ ដោយមិនត្រូវលាយអំបិល ឈីស ឬប័រម៉ាយ៉ូណេសឡើយ។
២. ផ្ទុកជាតិកាកសរសៃ
ជាតិកាកសរសៃអាហារដែលមាននៅក្នុងដំឡូងស្ងោរ អាចផ្តល់នូវថាមពលរាងកាយគ្រប់គ្រាន់ កាត់បន្ថយទម្ងន់ដែលលើស និងធ្វើឱ្យអ្នកមានកម្លាំងជាងមុនផងដែរ។
៣. ស្រូបយកថាមពល និងសារធាតុចិញ្ចឹមច្រើន
វីតាមីន B6 នៅក្នុងដំឡូងបារាំងស្ងោរ អាចជួយកាត់បន្ថយជាតិស្ករ នៅក្នុងសារធាតុ កាបូអ៊ីដ្រាត និងប្រូតេអ៊ីនច្រើនលើសលុប ថែមទាំងជួយបង្កើនថាមពលរាងកាយផងដែរ។
៤. ជំនួយប្រព័ន្ធរំលាយអាហារ
ចលនាពោះវៀនដំ និងចលនាពោះវៀន ជាប់ពាក់ព័ន្ធទៅនឹងសុខភាពប្រព័ន្ធរំលាយអាហារ។ ដូច្នេះការទទួលទានដំឡូងបារាំងស្ងោរពិតជាល្អខ្លាំងណាស់ សម្រាប់ជួយឱ្យប្រព័ន្ធរំលាយអាហារមានសុខភាពល្អ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
