តោះ! រម្លឹករឿងអស់សំណើចខ្លះ! អ្នកណាខ្លះធ្លាប់ត្រូវ “មួយបាល់ចំកណ្តាលមុខ” បែបនេះ? (មានវីដេអូ)

បរទេស៖ “បាល់ទាត់” គឺជាកីឡាមួយប្រភេទដែលបុរសៗនិយមចូលចិត្តលេងកម្សាន្ត។ មិនថាតែនៅបរទេស ឬនៅកម្ពុជាយើងឡើយ អត្រាអ្នកនិយមលេងប្រភេទកីឡាមួយនេះ មានចំនួនច្រើនជាងកីឡាប្រភេទផ្សេងៗទាំងអស់។ មិនត្រឹមតែការលេងបាល់ទាត់បែបអាជីពឡើយ បាល់ទាត់ក៏មានការពេញនិយមពីសំណាក់ប្រិយមិត្តជាច្រើន ដែលជាអ្នកលេងកីឡាដើម្បីសុខភាពផងដែរ។

រម្លឹកដល់ការលេងបាល់ទាត់ ប្រិយមិត្តជាបុរសៗយើងភាគច្រើនតែងតែជួបប្រទះនឹងបញ្ហារបួសស្រាលៗនានាដូចជា គ្រេច ឬថ្លោះដៃ-ជើង បាល់ត្រូវចំតំបន់ពិសេស ឬបាល់ត្រូវចំមុខជាដើម។ បើនិយាយពីហេតុការណ៍បាល់ចំកណ្តាលមុខនេះ អ្នកលេងបាល់ភាគច្រើនសុទ្ធតែធ្លាប់ជួបហេតុការណ៍នេះ ខណៈដែលត្រូវចំម្តងៗក៏ងងឹតមុខមិនស្ទើរ ហើយបើលេងជាមួយមិត្តភក្តិ ឬមិត្តរួមការងារវិញ ប្រាកដជាឈឺមិនធម្មតា និងលាយឡំសំណើចបែបចំអន់ពីកីឡាករលើទីលានទៀតផង។ ថ្ងៃនេះ “ខ្មែរឡូត” សូមធ្វើការបង្ហាញពីវីដេអូនៃហេតុការណ៍ដ៏គួរឱ្យអស់សំណើចនេះ ជូនទៅប្រិយមិត្តបានទស្សនាទុកជាការកម្សាន្តផងដែរ។ យ៉ាងណាមិញ “ខ្មែរឡូត” គាំទ្រការលេងកីឡាគ្រប់ប្រភេទដើម្បីសុខភាព និងចៀសឆ្ងាយពីគ្រឿងញៀន៕

តោះ! សូមទស្សនាវីដេអូខាងក្រោមទាំងអស់គ្នា៖ 

• វីដេអូ