ភ្នំពេញ៖ ដំណឹងដ៏រីករាយនេះ សូមផ្ញើជូនទៅដល់បណ្តាអ្នកស្នេហាវិស័យកីឡាប្រដាល់ទាំងអស់គ្នា ដោយរីករាយចាំជួបជុំគ្នាកុំខានឱ្យសោះ នៅស្ថានីយទូរទស្សន៍ដ៏ល្បីល្បាញគឺ PNN។ PNN សាទរការប្រកួតគុនខ្មែរប្រចាំសប្ដាហ៍ក្រោម ការឧបត្ថម្ភផ្ដាច់មុខពី ISI PALM។
ក្នុងនោះដែរ ចាប់តាំងពី PNN ត្រូវបានបង្កើតឡើងក្នុងឆ្នាំ ២០១៥ មក កីឡាគឺជាផ្នែកមួយយ៉ាងសំខាន់របស់ស្ថានីយទូរទស្សន៍មួយនេះ ជាពិសេសគឺកីឡាប្រដាល់គុនខ្មែរនេះតែម្តង ដែលជាមរតកដូនតាដ៏មានតម្លៃមិនអាចកាត់ថ្លៃបាន ហើយមានអាយុកាលរាប់ពាន់ឆ្នាំមកហើយ ដែលបន្សល់ទុកដោយបុព្វបុរសដ៏អស្ចារ្យនៃយើង។
ក្នុងបំណងរួមចំណែកជួយអភិរក្ស អភិវឌ្ឍ និងលើកស្ទួយគុនខ្មែរឱ្យកាន់តែរុងរឿង និងកាន់តែល្បីសុះសាយលើឆាកអន្តរជាតិថែមទៀត PNN កន្លងមកបានរៀបចំកម្មវិធីប្រកួតជាច្រើនរដូវកាល ហើយបង្កើតបានម្ចាស់ខ្សែក្រវាត់ជាច្រើនរូប និងតារាជើងថ្មីជាច្រើននាក់។ តែក្នុងរយៈពេលជាង១ឆ្នាំចុងក្រោយនេះ សង្វៀនប្រដាល់ PNN ត្រូវបានផ្អាកដំណើរការ ជាហេតុនាំឱ្យមានសំណួរសួមកជាច្រើនជាបន្តបន្ទាប់ពីប្រិយមិត្តគុនខ្មែរទាំងឡាយ ដែលតែងតែនិយមគាំទ្រដល់ការផ្សាយរបស់ PNN។
តែពេលនេះ អ្វីដែលប្រិយមិត្ត PNN បានទន្ទឹងរង់ចាំយ៉ាងអន្ទះសារ នឹងត្រលប់មកវិញក្នុងពេលឆាប់ៗនេះហើយ ក្រោយ ISI PALM សម្រេចចិត្តចាប់ដៃ PNN ដើម្បីបង្កើតកម្មវិធីប្រដាល់គុនខ្មែរថ្មីមួយដ៏កក្រើក និងធានាថាប្លែកមិនធ្លាប់មាននៅកម្ពុជា គឺការប្រកួតដណ្ដើមខ្សែក្រវាត់ប្រាក់ និងខ្សែក្រវាត់មាស អមដោយប្រាក់រង្វាន់ដ៏សន្ធឹកសន្ធាប់៕
តើកម្មវិធីប្រដាល់ថ្មីរបស់ PNN ដែលឧបត្ថម្ភផ្ដាច់មុខដោយ ISI PALM នឹងអង្រួនពិភពគុនខ្មែរឱ្យកក្រើកអស្ចារ្យកម្រិតណា? សូមរង់ចាំទស្សនាតាមកញ្ចក់ទូរទស្សន៍ PNN ឆាប់ៗនេះ!!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]