ឪពុកនាយ ហុងដា ឈឺត្រូវដាក់អុកស៊ីសែនជាប្រចាំ តែបែរជាដាច់ភ្លើង ធ្វើឲ្យស្ថានភាពគួរបារម្ភ!

ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាកំប្លែងដ៏មានប្រជាប្រិយភាព នាយហុងដា កំពុងតែជួបទុក្ខជាទម្ងន់ ព្រោះឪពុកជាទីស្រលាញ់របស់ខ្លួនកំពុងតែធ្លាក់ខ្លួនឈឺ សម្រាកព្យាបាលនៅផ្ទះយ៉ាងគួរឲ្យបារម្ភ។

មិនត្រឹមតែប៉ុណ្ណោះស្ថានភាពជំងឺរបស់ឪពុករបស់លោក ហាក់ដូចជាពិបាក ព្រោះតែត្រូវប្រើប្រាស់អុកស៊ីសែនជាប្រចាំថ្ងៃ ខណៈពេលដែលត្រូវសម្រាកពិនិត្យព្យាបាលនៅផ្ទះ។ ជាក់ស្តែងប៉ុន្មាន ថ្ងៃនេះចរន្តភ្លើងអគ្គិសនីត្រូវបានផ្តាច់ជាច្រើនកន្លែង ដោយក្នុងនោះក៏រួមមានផ្ទះរបស់នាងហុងដា ដែលមានអ្នកជំងឺជាឪពុកផងដែរ។

អ្វីដែលកាន់តែពិបាកខ្លាំងនោះគឺ លោកកាន់តែព្រួយបារម្ភខ្លាំង ដោយសារតែឪពុករបស់ខ្លួន ពិបាកក្នុងការដកដង្ហើម ប្រើប្រាស់តែអុកស៊ីសែនហើយ បែរជាមកដាច់ភ្លើងបែបនេះ ធ្វើឲ្យលោកបារម្ភយ៉ាងខ្លាំង ក៏បានបង្ហាញអារម្មណ៍លើបណ្តាញសង្គមយ៉ាងដូច្នោះថា៖

«លោកអើយលោកម៉េចបានមកដាច់តើផ្ទះអ្នកជំងឺ ដែលរស់ដោយសាអុកស៊ីសែន នឹងលោកមកដាច់ចឹងទៀត វេទនាណាស់លោកអើយលោក»។ តាមរយៈសារមួយនេះអ្នកគាំទ្រជាច្រើនពិតជា អាណិតដល់លោក និងឪពុកយ៉ាងខ្លាំង មិនត្រឹមតែប៉ុណ្ណោះ ពួកគេក៏បានធ្វើការជូនពរឲ្យឪពុកលោកឆាប់ជាសះស្បើយផងដែរ៕

សូមទស្សនារូបភាពខាងក្រោមនេះ៖ 

• ហុងដា
• តារាខ្មែរ