អ៊ីតាលី៖ កីឡាករ Cristiano Ronaldo បានផ្លាស់ទៅកាន់ក្លិប Juventus កាលពីចុងរដូវកាលមុន ក្នុងតម្លៃខ្លួន ១១០លានអឺរ៉ូ ក្រោយពីបញ្ចប់ភារកិច្ចរបស់ខ្លួនជាមួយ Real Madrid ដោយជួយក្លិបឈ្នះ Champions League ជាលើកទី៣ជាប់គ្នា។ ក្រោយការបង្ហាញខ្លួនរបស់ Ronaldo យ៉ាងគួរឱ្យភ្ញាក់ផ្អើលនេះ ក្លិប Juventus ជឿជាក់ថានឹងអាចមានឱកាសកាន់តែខ្ពស់ក្នុងការឈ្នះពានធំៗទាំង៣ រួមមាន Serie A , Coppa Italia និង UEFA Champions League។ ប៉ុន្តែយ៉ាងណាមិញ នារដូវកាលនេះ Juventus បានត្រឹមតែឈ្នះពានលីគកំពូលអ៊ីតាលីតែប៉ុណ្ណោះ ក្រោយធ្លាក់ពីពាន Coppa Italia ក្រោមថ្វីជើងក្លិប Atalanta និងធ្លាក់ចេញពីពាន Champions League ក្រោមថ្វីជើងរបស់ Ajax។
ត្រឡប់មកវិញ កាលពីពេលថ្មីៗនេះ ស្ថិតិថ្មីមួយដែលបញ្ចេញដោយ SofaScore បានបង្ហាញថា Cristiano Ronaldo គឺជាកីឡាករដែលស៊ុតបាល់ Free-Kick យ៉ាប់បំផុតមួយរូបនារដូវកាលនេះ។ ស្ថិតិនេះក៏បានបង្ហាញថា Ronaldo មិនមែនមានបញ្ហា Free Kick មិនបានល្អតែនៅក្នុងអ៊ីតាលីប៉ុណ្ណោះទេ តែជាកំណត់ត្រាមិនល្អនៅលីគកំពូលនារដូវកាលនេះតែម្តង។ កីឡាករតែម្នាក់គត់ដែលមានកំណត់ត្រា Free Kick មិនល្អជាង Ronaldo នារដូវកាលនេះគឺកីឡាករ Camillo Ciano របស់ក្លិប Frosinone។ ជាក់ស្តែង កីឡាករទាំង២រូបនេះ ស៊ុតបាល់ Free Kick មិនចូលម្តងណាសោះតែម្តងនៅក្នុង Serie A នារដូវកាលនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]