ទឹកចិត្តម្តាយ! កូននៅតូចប៉ុណ្ណឹង សុន ស្រីពេជ្រ ប្រាថ្នាចង់ឲ្យកូនបែបនេះ ពេលធំឡើង!

ភ្នំពេញ៖ កាលពេលប៉ុន្មានខែមុននេះ មានការភ្ញាក់ផ្អើលយ៉ាងខ្លាំង ក្រោយស្ងាត់ៗស្រាប់តែទទួលដំណឹងថា តារាពហុជំនាញអ្នកនាងសុន ស្រីពេជ្រ បានសម្រាលបានកូនស្រីជាទីស្រលាញ់ម្នាក់ ដែលមានមុខមាត់យ៉ាងគួរឲ្យក្នាញ់។

យ៉ាងណាមិញ កូនស្រីកើតមិនទាន់បានប៉ុន្មានផង តារាស្រីរូបនេះបានធ្វើការប្រាថ្នា ក៏ដូចជាចង់ឲ្យកូនល្អ នៅពេលដែលមានវ័យធំពេញរូបរាងនាថ្ងៃអនាគត។ ដោយក្នុងនោះនាងបានធ្វើការរៀបរាប់ តាមបណ្តាញសង្គមយ៉ាងដូច្នោះថា៖

«អ្នកជាកំលាំងចិត្តខ្ញុំ ខ្ញុំចង់ឲ្យអ្នកធំឡើង តាមដោយគន្លងធម៌ ស្រលាញ់ក្រុមគ្រួសារ ចេះអាណិតមេត្តា ជួយដល់អ្នកដែលទន់ខ្សោយជាងខ្លួន តែអ្វីដែលខ្ញុំចង់បានខ្លាំងជាងនេះគឺត្រូវស្រលាញ់ខ្លួនឯង ឲ្យបានច្រើងណានាងតូច»។

តាមរយៈសារដ៏មានន័យមួយនេះ បានធ្វើឲ្យអ្នកគាំទ្រជាច្រើន ពេញចិត្តគ្រប់គ្នាតែម្តង ដែលនាងបានដើរតួជាម្តាយយ៉ាងល្អ ចេះគិតគូពីកូនស្រីរបស់ខ្លួន និងចង់ឲ្យកូនខ្លួនក្លាយជាមនុស្សល្អ តាំងតែពីតូចបែបនេះ៕

សូមទស្សនារូបភាពខាងក្រោមនេះ៖ 

• សុន ស្រីពេជ្រ
• តារាខ្មែរ