ភ្នំពេញ៖ បង្គោលទីចំនួន២ ក្តារអមតារាង៤ បាល់១០គ្រាប់ អាវកាក់៣០ និងកោណហាត់បាល់៤០ និងការបង្ហាត់បាល់ទាត់ នឹងត្រូវបានផ្តល់ជូនសាលាបឋមសិក្សាចំនួន ១០០ ទូទាំងប្រទេសកម្ពុជានៅក្នុងគម្រោង “ទីលានបាល់ទាត់១០០” របស់ក្រុមហ៊ុនធានារ៉ាប់រងអាយុជីវិត អេ អាយ អេ ខេមបូឌា។ គម្រោង “ទីលានបាល់ទាត់១០០” នេះបានប្រកាសឡើងនៅក្នុងកម្មវិធីគម្រប់ខួប១០០ឆ្នាំ របស់ក្រុមហ៊ុនធានារ៉ាប់រងអាយុជីវិត អេ អាយ អេ ខេមបូឌា កាលពីខែមករាកន្លងទៅនេះ។
នៅក្នុងខែកុម្ភៈ សាលាបឋមសិក្សា៤ដំបូងគេបំផុត ដែលបានទទួលសម្ភាៈនោះគឺ សាលាបឋមសិក្សាសំរោង ព្រៃសរ របោះអង្កាញ់ និងសាលារៀនរបស់អង្គការផ្កាយសមុទ្រ ដែលមានទីតាំងនៅក្នុងរាជធានីភ្នំពេញផ្ទាល់ រីឯនៅតាមខេត្តក្នុងជុំទីមួយអេ អាយ អេ ខេមបូឌាបានផ្តល់ជូនសាលាសរុបចំនួន ៣៣ នៅក្នុងខេត្តកណ្តាល កំពង់ស្ពឺ តាកែវ កំពង់សោម និងកំពត ។ នៅក្នុងពិធីប្រគល់ ដែលបានធ្វើឡើងរួមមានការប្រគល់សម្ភារៈកីឡាជាផ្លូវការ ដែលមានការចូលរួមពីដៃគូអាជីវកម្មគ្រឹះស្ថានមីក្រូហិរញ្ញវត្ថុ អម្រឹត និងការហ្វឹកហាត់បាល់ទាត់។
សូមបញ្ជាក់ផងដែរថា ក្រុមហ៊ុនធានារ៉ាប់រងអាយុជីវិត អេ អាយ អេ ខេមបូឌា នឹងធ្វើការផ្តល់ជូនសម្ភារៈកីឡាដល់សាលាបឋមសិក្សាជាង ៦៣ ទៀត ដែលសាលាបឋមសិក្សាមួយចំនួនបានដាក់ពាក្យស្នើរសុំដោយខ្លួនឯង រីឯសាលាមួយចំនួនផ្សេងទៀតត្រូវបានណែនាំដោយដៃគូអាជីវកម្មគ្រឹះស្ថានមីក្រូហិរញ្ញវត្ថុ អម្រឹត។ គួរបញ្ជាក់ផងដែរថា សម្រាប់ជុំទី២នេះ ខេត្តដែល អេ អាយ អេ ខេមបូឌា នឹងផ្តល់ជូនសម្ភារៈទាំងនោះនៅតាមខេត្ត ពោធិសាត់ បាត់ដំបង បន្ទាយមានជ័យ និងកំពង់ឆ្នាំង ហើយក្នុងនោះមាន ២៥ សាលា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]