ខួបកំណើត ឪពុករាល់ឆ្នាំមិនដែលខកខាន តែឆ្នាំនេះ វ៉ាង ស្រីណូ លេងឈុតធំ សុទ្ធបង្កប់លុយដុល្លារច្រើនសន្លឹក!

អាមេរិក៖ បើទោះបីជា តារាសម្តែងស្រី វ៉ាង ស្រីណូ លែងប្រឡួកក្នុងវិស័យសិល្បៈក៏ដោយ ក៏រូបនាង នៅតែទទូលបានការចាប់អារម្មណ៍ពីសំណាក់ហ្វេនដែរ។

កាលពីថ្មីៗនេះដែរ តារាស្រីរូបនេះ បានធ្វើពិធីខួបកំណើតឲ្យឪពុកខ្លួន យ៉ាងអធិកអធម ជាមួយនឹងក្រុមគ្រួសារ។ ជាពិសេស រូបនាង ក៏បានត្រៀមកាដូឈុតធំ ឲ្យឪពុកនាង ជាលុយបង្កប់ក្នុងនំខេក ជាក្រដាស១០០ដុល្លារ ច្រើនសន្លឹក ដែលមិនដឹងថា មានចំនួនប៉ុន្មាននោះទេ។ 

ក្នុងនោះ ក្រោយពីឃើញបែបនេះក៏មានហ្វេនជាច្រើន បានសរសើរនាង ដែលជាកូនកតញ្ញូម្នាក់ តែងតែធ្វើពិធីខួបកំណើតឲ្យឪពុកម្តាយជានិច្ច បើទោះបីជា នាងមានការរវល់នឹងរបររកស៊ីក៏ដោយ៕