ក្រុមហ៊ុន Volvo នឹងបន្ថយបុក្គលិក៣,០០០នាក់ ខណៈពន្ធលោក Trump ធ្វើឱ្យទីផ្សាររថយន្តមានភាពរង្គោះរង្គើ

អន្តរជាតិ៖ក្រុមហ៊ុន Volvo បានប្រកាសថា ខ្លួនគ្រោងនឹងកាត់បន្ថយបុក្គលិកចំនួន ៣,០០០នាក់ ខណៈ ដែលពន្ធគយ របស់ប្រធានាធិបតី លោក Trump បន្តធ្វើឱ្យទីផ្សាររថយន្តកាន់តែយ៉ាប់យ៉ឺន។

ក្រុមហ៊ុនរថយន្ត ដែលមានមូលដ្ឋាននៅប្រទេសស៊ុយអែត បាននិយាយនៅក្នុងការចេញផ្សាយកាលពីថ្ងៃចន្ទ ថាការផ្លាស់ប្តូរនេះគឺជាផ្នែកមួយនៃផែនការសកម្មភាពចំណាយនិងសាច់ប្រាក់ របស់ខ្លួនដែលត្រូវបានបង្កើតឡើងដើម្បីកសាងក្រុមហ៊ុនឱ្យកាន់តែរឹងមាំនៅពេលដែលឧស្សាហកម្មប្រឈមនឹង បញ្ហាប្រឈមជាច្រើននៅក្នុងបរិយាកាសខាងក្រៅរបស់ខ្លួន។

តាមការការចេញផ្សាយនេះ ចែងថាការបញ្ឈប់ការងារនឹងប៉ះពាល់ដល់មុខតំណែងដែលមានមូលដ្ឋាននៅក្នុងការិយាល័យនៅក្នុងប្រទេសស៊ុយអែតដែលតំណាងឱ្យ ១៥ភាគរយនៃកម្លាំងពលកម្មដែលមានមូលដ្ឋានលើការិយាល័យទូទាំងពិភពលោក។ ការផ្លាស់ប្តូររចនាសម្ព័ន្ធទាំងនេះ គឺចាំបាច់សម្រាប់រថយន្ត Volvo ដើម្បីផ្តល់នូវយុទ្ធសាស្រ្តរយៈពេលវែងរបស់ខ្លួន ដោយពង្រឹងមូលដ្ឋានគ្រឹះរបស់ខ្លួនសម្រាប់កំណើនប្រាក់ចំណេញ។

ក្រុមហ៊ុន បានលើកឡើងថា ចំនួនជាក់លាក់នៃការកាត់បន្ថយការងារនឹងត្រូវបានកំណត់បន្ទាប់ពីខ្លួនបានបញ្ចប់ការពិនិត្យឡើងវិញនៃអង្គភាពទាំងមូលរបស់ខ្លួន និងកំណត់រចនាសម្ព័ន្ធថ្មីមួយដែលបង្កើតឡើង។ បញ្ឈប់ការងារជាមុខតំណែង គ្រប់គ្រងប្រមាណ ១,២០០នាក់ ខណៈ ១,០០០នាក់ ជាទីប្រឹក្សា ដែលភាគច្រើននៅក្នុងប្រទេសស៊ុយអែតផងដែរ។

លោក Håkan Samuelsson ប្រធាន និងជានាយកប្រតិបត្តិក្រុមហ៊ុន Volvo Cars បាននិយាយនៅក្នុងការចេញផ្សាយថា សកម្មភាពដែលបានប្រកាសនៅថ្ងៃនេះ គឺជាការសម្រេចចិត្តដ៏លំបាក ប៉ុន្តែវាជាជំហានដ៏សំខាន់នៅពេលដែលយើងបង្កើតរថយន្ត Volvo កាន់តែរឹងមាំ និងធន់ជាងមុន។ លោក បានបន្តថា ឧស្សាហកម្មរថយន្តកំពុងស្ថិតក្នុងពាក់កណ្តាលនៃរយៈពេលដ៏លំបាកមួយ ដើម្បីដោះស្រាយបញ្ហានេះ យើងត្រូវកែលម្អការបង្កើតលំហូរសាច់ប្រាក់របស់យើង និងកាត់បន្ថយការចំណាយរបស់យើងជារចនាសម្ព័ន្ធ។

គួររម្លឹកថា លោក Trump បានប្រកាសកាលពីដើមខែនេះថា លោកនឹងកាត់បន្ថយពន្ធ ២៥ភាគរយ ដែលបានគ្រោងទុកលើរថយន្តនាំចូល និងគ្រឿងបន្លាស់រថយន្ត។

រដ្ឋបាល លោក Trump ក៏អនុញ្ញាតឱ្យក្រុមហ៊ុនផលិតរថយន្តដាក់ពាក្យស្នើសុំការបញ្ចុះតម្លៃ ១៥ភាគរយក្នុងអំឡុងឆ្នាំដំបូងនៃពន្ធគយ និង ១០ភាគរយក្នុងកំឡុងឆ្នាំទីពីរ ដើម្បីព្យាយាមធ្វើឱ្យក្រុមហ៊ុនបង្កើនផលិតកម្មក្នុងស្រុក ការកាត់បន្ថយនឹងត្រូវលុបចោលនៅឆ្នាំទី៣។

United Auto Workers បានប្រកាសគាំទ្រចំពោះពន្ធលើរថយន្តរបស់លោក Trump ដើម្បីការពារកម្មករ និងឧស្សាហកម្មអាមេរិក ប៉ុន្តែពន្ធគយបានបន្ថែមទៅលើការលំបាកផ្នែកហិរញ្ញវត្ថុដែលប្រឈមមុខនឹងក្រុមហ៊ុនរថយន្ត ដែលបានប្រឈមមុខនឹងការចំណាយខ្ពស់រួចទៅហើយ៕

ប្រភព៖ The Hill

ប្រែសម្រួលដោយ៖ MD-Angkor