លឿនៗតែម្តង? ទីបំផុត Man UTD រកបានគ្រូបង្វឹកថ្មីមកជំនួសលោក Ten Hag ហើយ

បរទេស៖ ទីបំផុតក្រុមបិសាចក្រហម Manchester United រកបានគ្រូបង្វឹកថ្មីមកជំនួសកន្លែងលោក Erik Ten Hag ដែលត្រូវបានក្លិបបណ្តេញចេញពីតំណែងហើយ។

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Man UTD បានសម្រេចកិច្ចព្រមព្រៀងក្នុងការចុះកុងត្រាយកលោក Rúben Amorim ពីក្រុម Sporting Lisbon ហើយ។

កាលពីថ្ងៃទី ៣០ ខែ តុលាម្សិលមិញ ប្រភពដដែលបានអះអាងថា Man UTD បានយល់ព្រមចាយលុយចំនួន ១០ លានអឺរ៉ូ ឬប្រមាណជា (១០.៨៤ លានដុល្លារអាមេរិក) ដើម្បីផ្តាច់កុងត្រាយកបុរសសញ្ជាតិ ព័រទុយហ្គាល់ វ័យ ៣៩ ឆ្នាំរូបនេះពី Sporting តែម្តង។

គួរដឹងថា លោក Amorim គឺជាគ្រូបង្វឹករបស់ Sporting ហើយកុងត្រារបស់លោក គឺនៅសល់សុពលភាពដល់ខែ មិថុនា ឆ្នាំ ២០២៦។

ប្រភព៖ Fabrizio Romano