វឌ្ឍនភាព គម្រោងសាងសង់ស្ពានឆ្លងកាត់ទន្លេមេគង្គ ប្រវែង១,៧៦១ម៉ែត្រ នៅខេត្តក្រចេះ សម្រេចបាន ៤៩,១៨% ហើយ

ក្រចេះ៖ គម្រោងសាងសង់ស្ពានឆ្លងកាត់ទន្លេមេគង្គ ខេត្តក្រចេះ ដែលមានប្រវែង ១ ៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ សម្រេចបាន ៤៩,១៨% ហើយ ដោយគិតត្រឹមដើមខែឧសភា ឆ្នាំ២០២៤ នេះ។ បើតាមការក្រសួងសាធារណការ និងដឹកជញ្ជូន។

ក្រសួងសាធារណការ និងដឹកជញ្ជូន បានបន្តថា នៅក្នុងគម្រោងនេះដែរ ជាមួយនឹងផ្លូវតភ្ជាប់ និងផ្លូវខ្នែង ទៅកាន់ក្រុងក្រចេះ ខេត្តក្រចេះ ដែលមានប្រវែងសរុប ៣៣,៤៥៩គីឡូម៉ែត្រ សម្រេចបាន ៣៦,២៤%។

គម្រោងនេះ ទាំងមូលគ្រោងនឹងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ។ បើតាមការនបញ្ជាក់ ក្រសួងសាធារណការ និងដឹកជញ្ជូន។

ស្ពាននេះ ត្រើយខាងកើតស្ថិតត្រង់ ភូមិបុស្សលាវលើ ឃុំបុសលាវ ស្រុកចិត្របុរី និងត្រើយខាងលិចត្រង់ភូមិព្រែកព្រលូង ឃុំសោប ស្រុកព្រែកប្រសព្វ ខេត្តក្រចេះ។

សូមរម្លឹកថា ស្ពានឆ្លងកាត់ទន្លេមេគង្គនេះ មានតម្លៃ ១១១លានដុល្លារ ប្រើប្រាស់ឥណទានសម្បទានពីរដ្ឋាភិបាលចិន និងបានសម្ពោធបើកការដ្ឋានសាងសង់ កាលពីថ្ងៃទី២ ខែមករា ឆ្នាំ២០២៣ សាងសង់ដោយក្រុមហ៊ុន Shanghai Construction Goup៕

ដោយ៖ មឿន ឌីណា (Moeun Dyna)