អ.គ្គិ.ភ័.យឆា.ប.ឆេះ.ផ្សារបុរីសន្តិភាព២​ បណ្តាលឲ្យតូបអាជីវករចំនួន​ ៤១៩តូបអស់ទាំងស្រុង នៅខណ្ឌពោធិ៍សែនជ័យ

//s9.kh1.co/94/943ff383c31348fd727852efd1b70a4fbd411a9f.jpg
សង្គម

 ២៩-វិច្ឆិកា-២០២៣ ៣ល្ងាច · ៣ ខែមុន

ករណីគ្រោះអគ្គិភ័យនេះ បានបណ្តាលឲ្យឆេះតូបក្នុងផ្សារអស់ចំនួន​៤១៩តូបទាំងស្រុង និងពុំបានបណ្តាលឲ្យឆេះរាលដាលដល់ផ្ទះអ្នកក្បែរខាងឡេីយ។

ភ្នំពេញ៖ ករណីអគ្គិភ័យបានឆាបឆេះផ្សារបុរីសន្តិភាព២​ មួយកន្លែង បានបង្កការភ្ញាក់ផ្អើល នៅវេលាម៉ោង ១២និង៤០នាទីយប់រំលងអាធ្រាត ថ្ងៃទី២៨​ ខែវិច្ឆិកា​ ឆ្នាំ២០២៣ ដែលស្ថិតនៅចំណុចផ្សារបុរីសន្តិភាព២ ផ្លូវបេតុង​ ភូមិតំណាក់ត្រយឹង​ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយមានការអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។

ដោយទទួលបានបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាល និងជាស្នងការនគរបាលរាជធានីភ្នំពេញ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានដឹកនាំបញ្ជាផ្ទាល់ដល់កងម្លាំងពន្លត់អគ្គិភ័យដែលប្រចាំការនៅគោលដៅ ដើម្បីចេញទៅជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះប្រជាពលរដ្ឋដែលនៅក្បែរនោះ។ ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន២៦១គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន២០គ្រឿង ប្រើប្រាស់ទឹកអស់២៤០ឡាន ស្មេីរនឹង៩៦០ម៉ែត្រគូប​,​ រថយន្តជំនួយមកពីក្រុមហ៊ុនស្រាបៀរកម្ពុជាចំនួន០១គ្រឿង​ ប្រេីប្រាស់ទឹកអស់ចំនួន០២គ្រឿង​ ស្មេីរនឹង១២ម៉ែត្រគូប,​ រថយន្តទីក្រុងនរា​ ចំនួន០២គ្រឿង​ ប្រេីប្រាស់ទឹកអស់០២ឡាន​ ស្មេីរនឹង១២ម៉ែត្រគូប,​ រថយន្តរបស់កងពលតូចលេខ៧០​ ចំនួន០៥គ្រឿង​ ប្រេីប្រាស់ទឹកអស់០៩ឡាន​ ស្មេីរនឹង៣៦ម៉ែត្រគូប​ និងរថយន្តទីក្រុងជ្រោយចង្វារ​ ចំនួន​០៨គ្រឿង​ ស្មេីរនឹង៣២ម៉ែត្រគូប។

លោកវរសេនីយ៍ឯក ព្រហ្ម យ៉ន បានបញ្ជាក់ថា ចំពោះករណីគ្រោះអគ្គិភ័យខាងលើនេះ ជាប្រភេទសំណង់​ ដែកប្រក់សង្ក័សី ទំហំ (៣២ម៉ែត្រ គុណ ១០០ម៉ែត្រ) បានបណ្តាលឲ្យឆេះតូបក្នុងផ្សារអស់ចំនួន​៤១៩តូបទាំងស្រុង និងពុំបានបណ្តាលឲ្យឆេះរាលដាលដល់ផ្ទះអ្នកក្បែរខាងឡេីយ។

លោកវរសេនីយ៍ឯក ព្រហ្ម យ៉ន បានបញ្ជាក់ជូនបន្ថែមទៀតថា ចំពោះករណីខាងលើនេះ កម្លាំងសមត្ថកិច្ចជំនាញរបស់យើងបានធ្វើការគ្រប់គ្រង់ទាំងស្រុងនៅវេលាម៉ោង ៨និង០០នាទីព្រឹកថ្ងៃទីខែឆ្នាំដដែរ។ ដោយក្នុងហេតុការណ៍នេះ គឺមិនបានបណ្តាលឲ្យអ្នកណាម្នាក់រងរបួសនោះឡេីយ រីឯមូលហេតុ សមត្ថកិច្ចជំនាញកំពុងតែធ្វេីការស្រាវជ្រាវផងដែរ។

ប្រភព៖ ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ

រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
Roth Karona
R.N

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T