ល្អអីល្អយ៉ាងនេះ! Messi ស៊ុត hat-trick យ៉ាងអស្ចារ្យជួយឱ្យ អាហ្សង់ទីន លត់ក្រុម កូរ៉ាកៅ ៧-០(មានវីដេអូ)

បរទេស៖ នាព្រឹកថ្ងៃទី ២៩ ខែ មីនា ឆ្នាំ ២០២៣ នេះ ក្រុមជម្រើសជាតិ អាហ្សង់ទីន បានជួបតទល់គ្នាជាមួយក្រុមជម្រើសជាតិ កូរ៉ាកៅ នៅកីឡដ្ឋាន Estadio Unico Madre de Ciudades នៃការប្រកួតលក្ខណៈមិត្តភាពកម្តៅសាច់ដុំ។

ជាការពិតណាស់ ក្រុមរហស្សនាមពពកស អាហ្សង់ទីន ពិតជាធ្វើបានល្អមែនទែន ដោយបញ្ចប់ ៩០ នាទីពេញ ពួកគេទទួលជ័យជម្នះទៅលើក្រុមភ្ញៀវ កូរ៉ាកៅ យ៉ាងចាស់ដៃ ក្នុងលទ្ធផល ៧ ទល់នឹង ០។

ក្នុងនោះ Lionel Messi រកបាន ៣ គ្រាប់ម្នាក់ឯង គឺនៅនាទីទី ២០, ៣៣ និង ៣៧ និង ៤ គ្រាប់ទៀត គឺរកបានដោយ Nicolas Gozalez នៅនាទីទី ២៣, Enzo Fernandez នៅនាទីទី ៣៥, Angel Di Maria នៅនាទីទី ៧៨ និង Gonzalo Montiel នៅនាទីទី ៨៧៕

សូមទស្សនាវីដេអូខាងក្រោម៖