កាតា៖ ជើងចាស់ Ian Wright និង Nigel De Jong បានធ្វើការសរសើរកីឡាករ Goncalo Ramos មិនដាច់ពីមាត់ បន្ទាប់ពីរូបគេរកបាន៣គ្រាប់ ក្នុងជំនួបព័រទុយកាល់ យកឈ្នះ ស្វីស ៦-១ កាលពីទាបភ្លឺនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Ramos ត្រូវបានលោកគ្រូ Santos ជ្រើសរើសឲ្យចូលលេងជម្រើស១១នាក់ដំបូង ជំនួសខ្សែប្រយុទ្ធ Cristiano Ronaldo ។
ជាមួយគ្នានេះ Ramos មិនបានធ្វើឲ្យលោកគ្រូ Santos ខកបំណងនោះទេ ដោយរូបគេ អាចរកបាន Hat-trick ថែមទាំងបញ្ជូនបាន១គ្រាប់ទៀត ក្នុងជំនួបប៉ះ ស្វីស ដែលទម្រង់លេងដ៏ល្អនេះ ពិតជាធ្វើឲ្យលោក Ian Wright និង Nigel De Jong ភ្ញាក់ផ្អើល។
លោក Wright បាននិយាយថា៖
វាគួរឱ្យចាប់អារម្មណ៍ណាស់ គាត់លេងបានល្អណាស់ ស៊ុតបញ្ចូលទីបាន Hat trick និងលេងជួរមុខត្រូវតែម្ដង។ គាត់ដឹកបាល់ឡើងបានល្អណាស់ ប៉ុន្តែគ្រាប់បាល់ដំបូង បានធ្វើឲ្យគាត់ភាំង ព្រោះបាល់នោះចូល ដូចគាត់មិនមានបំណងក្នុងការស៊ុតបញ្ចូលទីទេ ។
ខណៈលោក Nigel De Jong បានបន្ថែមពីលោក Wright ថា៖
មានសម្ពាធជាច្រើនលើស្មារបស់គាត់ដែលចូលមកជំនួសCristiano Ronaldo ប៉ុន្តែឥឡូវវាបាត់ទៅហើយ។អ្វីដែលខ្ញុំចូលចិត្តគាត់ គាត់អាចស៊ុតជើងទាំងសងខាង។ គាត់អាចលេងឆ្វេងក៏បាន និងស្ដាំក៏បាន។ គាត់ ទប់បាល់ជើងស្ដាំ ហើយបញ្ចប់ទីដោយជើងឆ្វេង។
Bong I.T