មិនទាន់អស់ទេ! តារាឆ្នើមបឹងកេត ម្នាក់ទៀត កំពុងមានទំនាក់ទំនងក្នុងការផ្លាស់មកកាន់ស្វាយរៀង

កម្ពុជា​៖ ខ្សែការពារស្លាបឆ្វេងក្លិប បឹងកេត កីឡាករ សេត រ៉ហ្សីប ត្រូវបានគេរាយការណ៍ថា កំពុងមានទំនាក់ទំនងក្នុងការផ្លាស់មកកាន់ក្លិប ព្រះខ័នរាជស្វាយរៀង។

ជាការពិតណាស់ រ៉ហ្សីប បានចូលរួមជាមួយក្លិបបឹងកេត តាំងពីឆ្នាំ២០១៦ មកម្លេះ និង ធ្លាប់បានរួមចំណែកជួយក្រុមឈ្នះពានរង្វាន់លីគកំពូលកម្ពុជាម្តង និង ពានរង្វាន់ ហ៊ុនសែនខាប់ម្តងផងដែរ ខណៈ បច្ចុប្បន្នរូបគេនៅសេសសល់កិច្ចសន្យារយៈពេលមួយឆ្នាំទៀតជាមួយក្រុមនាគខៀវ។

យ៉ាងណាក៏ដោយ វាអាចជាដំណឹងដ៏សោកស្តាយមួយសម្រាប់អ្នកគាំទ្របឹងកេត ដែលអាចនឹងបាត់បង់ រ៉ហ្សីប នាបំណាច់ឆ្នាំ២០២២ នេះ បន្ទាប់ពីរូបគេកំពុងតែមានទំនាក់ទំនងយ៉ាងខ្លាំងខ្លាក្នុងការផ្លាស់មកកាន់ ស្វាយរៀង សម្រាប់ការប្រកួតប្រជែងនារដូវកាលក្រោយ៕