ក្រោយរបួសកំភួនជើងថ្ងៃមុន ឥលូវតារាឆ្នើមរូបនេះ វិលមកហ្វឹកហាត់វិញបានហើយ ដូច្នេះមានន័យថា អេស្ប៉ាញ យប់នេះពេញជើងតែម្ដង

កាតា៖ កីឡាករ Cesar Azpilicueta បានវិលត្រឡប់មកកាន់ជំរុំហ្វឹកហាត់វិញហើយ ដូច្នេះមានន័យថា ក្រុមអេស្ប៉ាញ ប៉ះ ម៉ារ៉ុក នៅវគ្គ១៦ក្រុមយប់នេះ គឺពេញជើងតែម្ដង។

ជាការពិតណាស់ ប្រធានក្រុម Chelsea ខាងលើ​ បានចាកឆ្ងាយពីទីលានមួយរយៈខ្លី ដោយសារមានបញ្ហារបួសកំភូនជើងបន្តិចបន្តួច ហើយក៏មានក្ដីបារម្ភខ្លះដែរ ថារូបគេអាចនឹងអវត្តមានក្នុងជំនួបប៉ះ ម៉ារ៉ុន នៅវគ្គ១៦ក្រុម។

យ៉ាងណាមិញ បើយោងតាមកាសែត Mundo Deportivo ខ្សែការពារស្លាបស្ដាំវ័យ៣៣ឆ្នាំ បានវិលត្រឡប់មកហ្វឹកហាត់ជាមួយក្រុមលោក Luis Enrique វិញហើយ ៕

ប្រភព៖ AF