មិនមែន Barca ទេ! ល្បីថា Messi នឹងផ្ទេរទៅក្លិបមួយនេះក្រោយផុតកុងត្រាជាមួយ PSG

អឺរ៉ុប៖ ខ្សែប្រយុទ្ធ Lionel Messi ត្រូវបានគេរាយការណ៍ថានឹងផ្លាស់ទៅក្លិប Inter Miami នៅឆ្នាំ២០២៣ បន្ទាប់ពីផុតកុងត្រាជាមួយក្លិប Paris Saint-Germain ។

Messi បានចាកចេញពី Barcelona កាលឆ្នាំ២០២១ ដោយចុះកុងត្រាជាមួយ PSG ចំនួនពីររដូវកាល ហើយកុងត្រាបច្ចុប្បន្នរបស់គេនឹងអស់សុពុលភាពនាចុងរដូវកាលនេះហើយទើបលេចឮពាក្យចចាមអារ៉ាមជាច្រើនថា Barcelona ចង់បានម្ចាស់ពាន Ballon d'Or ៧សម័យរូបនេះមកវិញ។

ខណៈនោះដែរ លោក David Beckham ដែលជាម្ចាស់ក្លិប Inter Miami នោះក៏ចង់អូសទាញ Messi មកលេងនៅ Major League Soccer ឯសហរដ្ឋអាមេរិកផងដែរ ដោយសារព័ត៌មាន The Times បានផ្សាយថា លោកបានទាក់ទងទៅអ្នកតំណាងរបស់ Messi រួចហើយ។

Inter Miami នឹងផ្ដល់ប្រាក់ឈ្នួលមហាសាលដល់ Messo ដែលនឹងធ្វើឲ្យគេក្លាយជាកីឡាករដែលមានប្រាក់ឈ្នួលខ្ពស់បំផុតក្នុងប្រវត្តិសាស្ត្រលីគ៕

ប្រភព៖ football-espana