FedEx បង្ហាញវត្តមានដោយផ្ទាល់នៅកម្ពុជា ដើម្បីជួយអតិថិជនក្នុងការធ្វើពាណិជ្ជកម្មឆ្លងប្រទេស

ភ្នំពេញ៖ FedEx Express ដែលជាក្រុមហ៊ុនបុត្រសម្ព័ន្ធរបស់ FedEx Corp. (NYSE: FDX) និងជាក្រុមហ៊ុនដឹកជញ្ជូនដ៏ធំបំផុតមួយក្នុងពិភពលោកបានប្រកាសថា ខ្លួននឹងបង្កើតវត្តមានពាណិជ្ជកម្មដោយផ្ទាល់នៅកម្ពុជា ដើម្បីឆ្លើយតបទៅនឹងកំណើនតម្រូវការដឹកជញ្ជូនលក្ខណៈអន្តរជាតិរបស់ប្រទេសមួយនេះ។

ជាមួយនឹងវត្តមានដោយផ្ទាល់នៅក្នុងប្រទេសរាល់អាជីវកម្មទាំងអស់នៅកម្ពុជា នឹងទទួលបានលទ្ធភាពកាន់តែច្រើនជាមួយនឹងផលប័ត្រកាន់តែទូលំទូលាយនៃដំណោះស្រាយដឹកជញ្ជូនរបស់ FedEx ខណៈដែលអ្នកផ្តល់សេវាក្នុងស្រុក បន្តផ្តល់ហេដ្ឋារចនាសម្ព័ន្ធក្នុងស្រុកដែលមានស្រាប់ សម្រាប់ប្រតិបត្តិការដឹកជញ្ជូនតាមផ្លូវគោក។ អតិថិជនក្នុងស្រុក នឹងអាចចូលប្រើឧបករណ៍ឌីជីថលជាច្រើនប្រភេទរបស់ FedEx ដែលធ្វើឲ្យការដឹកជញ្ជូនកាន់តែងាយស្រួល និងមានប្រសិទ្ធភាពជាងមុនតាមរយៈគេហទំព័រ FedEx https://www.fedex.com/en-kh/home.html ។

នេះគឺរួមបញ្ចូលទាំងការបើកគណនីថ្មី តាមដានស្ថានភាពនៃការដឹកជញ្ជូនតាមពេលវេលាជាក់ស្តែង បង្កើតវិក្កយបត្រដឹកជញ្ជូនតាមផ្លូវអាកាស ការកំណត់កាលវិភាគនៃការទទួលទំនិញ និងគ្រប់គ្រងវិក្កយបត្រជាដើម។ លើសពីនេះទៀត FedEx នឹងបង្កើតសមាជិកក្រុមផ្នែកលក់ និងសេវាកម្មបម្រើអតិថិជន ដែលមានភាពសកម្មលើមូលដ្ឋានដឹកជញ្ជូនដើម្បីធ្វើអន្តរកម្ម និងផ្តល់នូវជំនាញផ្នែកភស្តុភារកម្ម ក្នុងការជួយអាជីវកម្មក្នុងស្រុកឲ្យបង្កើនពាណិជ្ជកម្មឆ្លងប្រទេសរបស់ពួកគេបានកាន់​តែប្រសើរឡើងបន្ថែមទៀត។

ការ​ងើប​ឡើងវិញនៃសេដ្ឋកិច្ច​​កម្ពុជា ​កំពុង​មានល្បឿនលឿនគួរឲ្យកត់សម្គាល់ ​ដោយ​ការ​នាំ​ចេញ​កើន​ឡើង ​20​% ​ធៀបនឹង​រយៈ​ពេល​ដូច​គ្នា​កាល​ពី​ឆ្នាំ​មុន​ ​ដែលគិតជាទឹកប្រាក់​កើន​ដល់ ​27ពាន់លាន​ដុល្លារ​ ក្នុង​ឆមាស​ទី​ 1 ​ឆ្នាំ 2022។

លោកស្រី Audrey Cheong អនុប្រធានប្រតិបត្តិការប្រចាំតំបន់អាស៊ីអាគ្នេយ៍នៃ FedEx Express បានឲ្យដឹងផងដែរថា៖

លោក Hardy Diec នាយកគ្រប់គ្រង FedEx Express ប្រចាំតំបន់ឥណ្ឌូចិន បានលើកឡើងថា៖

ក្រុមហ៊ុន FedEx បាន និងកំពុងជួយសម្រួលពាណិជ្ជកម្មក្នុងប្រទេសកម្ពុជាតាំងពីឆ្នាំ 1994 មកម្ល៉េះ ដោយផ្តល់ជូននូវដំណោះស្រាយដឹកជញ្ជូន និងការតភ្ជាប់ជាលក្ខណៈអន្តរជាតិតាមរយៈអ្នកផ្តល់សេវាក្នុងស្រុក TSP Express ។ FedEx គាំទ្រកិច្ចខិតខំប្រឹងប្រែងសម្របសម្រួលរបស់កម្ពុជា ដែលមានចែងនៅក្នុងគោលនយោបាយអភិវឌ្ឍន៍ឧស្សាហកម្ម 2015 – 2025 របស់ខ្លួន ដើម្បីកសាងបណ្តាញដឹកជញ្ជូនប្រកបដោយប្រសិទ្ធភាពក្នុងការជំរុញកំណើនសេដ្ឋកិច្ច នាពេលអនាគតរបស់ប្រទេសមួយនេះ។ វត្តមានផ្ទាល់របស់ FedEx នៅក្នុងប្រទេសនាពេលនេះ នឹងជួយឱ្យអាជីវកម្មក្នុងស្រុកកាន់តែមានភាពងាយស្រួលក្នុងការធ្វើពាណិជ្ជកម្ម និងពង្រីកលទ្ធភាពរបស់ពួកគេទៅកាន់ជាង 220 ប្រទេស និងដែនដីដែល FedEx ធ្វើប្រតិបត្តិការ៕

អំពីក្រុមហ៊ុន FedEx Express

FedEx Express គឺជាក្រុមហ៊ុនដឹកជញ្ជូនដ៏បំផុតមួយក្នុងពិភពលោក ដែលផ្តល់នូវការដឹកជញ្ជូនលឿនរហ័ស និងគួរជាទីទុកចិត្តទៅកាន់ជាង 220 ប្រទេស និងដែនដី។ FedEx Express ប្រើប្រាស់បណ្តាញដឹកជញ្ជូនផ្លូវអាកាស និងផ្លូវគោក ដើម្បីបង្កើនល្បឿននៃការដឹកជញ្ជូនតាមពេលវេលា តាមការកំណត់ និងកាលបរិច្ឆេទច្បាស់លាស់។