កម្សាន្ត ÷ ថ្មីៗនេះ កំពុងមានរឿងគួរឲ្យចាប់អារម្មណ៍មួយ បានកើតឡើងដោយសារតែ តារាសម្តែងប្រុសរូបសង្ហា វ័យ ៤២ឆ្នាំ Lee Dong Wook បានឆ្លើយតបទៅនឹងសាររបស់អ្នកគាំទ្រ នៅក្នុងកម្មវិធី Universe Private Message។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ កម្មវិធី Universe Private Message គឺជាកម្មវិធីផ្ញើសារ ដែលអនុញ្ញាតសិល្បករ និងអ្នកគាំទ្រមានទំនាក់ទំនងបានដោយគិតថ្លៃ ហើយតាមរយៈកម្មវិធីនេះ តារាជាច្រើនបានចែករំលែកជីវិតប្រចាំថ្ងៃរបស់ពួកគេ ជាមួយអ្នកគាំទ្រតាមរយៈជាសារឯកជន ឬផ្ញើរូប Selfie ជាដើម។
ហើយតារាប្រុស Lee Dong Wook ក៏មិនខុសគ្នាដែរ លោកក៏មានវត្តមាននៅក្នុងកម្មវិធីនេះ និងបានឆ្លៀតពេល ក្នុងការឆ្លើយតបនឹងហ្វេនជាងមួយម៉ោង ថែមទៀត លើសពីនេះអ្វីដែលគ្រប់គ្នាចាប់អារម្មណ៍គឺ អ្នកគាំទ្ររបស់ Lee Dong Wook ហៅលោកថា ajussi មានន័យថាពូ ជំនួសឲ្យពាក្យ oppa ដែលអ្នកគាំទ្រភាគច្រើនតែងតែធ្វើ។
គួររំលឹកផងដែរថា Lee Dong Wook គឺជាតារាសម្តែងកូរ៉េ ដ៏លេចធ្លោម្នាក់ដែលបានបង្ហាញខ្លួនក្នុងឆ្នាំ ១៩៩៩ ចាប់តាំងពីពេលនោះមក តារាសម្តែងរូបនេះ ក៏ទទួលបានភាពល្បីល្បាញខ្លាំងក្នុងប្រទេសកូរ៉េ ហើយបានសម្តែងក្នុងរឿងភាគជាច្រើន៕
ប្រភព : Kbizoom