ចូលរួមអបអរសាទរQueenតូច ប៉ូលីកា និង សុហ្វៀរ៉ា ចេញទៅប្រកួតលើឆាកអន្តរជាតិដើមឆ្នាំ២០២៣

កម្សាន្ត៖ ប្រិយមិត្តដែលធ្លាប់តាមដានការប្រកួត Miss Preteen International Cambodia 2022 ច្បាស់ជាបានដឹងរួចមកហើយថាម្ចាស់ជ័យលាភីឯកបានទៅលើយុវតី ឃឿន ប៉ូលីកា និងលំដាប់រងទី២បានទៅលើយុវតី ឌៀប សុហ្វៀរ៉ា។ ពិតណាស់ បវរកញ្ញាទាំងពីររូបនេះមានអាយុទើបតែ១២ឆ្នាំ ប៉ុន្តែចំណេះដឹង និងការប្រើប្រាស់ភាសាអង់គ្លេសគឺបានល្អតែម្ដង។ 

យ៉ាងណាមិញ ទន្ទឹមនឹងចំណេះដឹងបវរកញ្ញា Miss Preteen International Cambodia 2022 ឃឿន ប៉ូលីកា និងបវរកញ្ញាលំដាប់រងទី២MPIC ឌៀប សុហ្វៀរ៉ា ក៏មានសមត្ថភាពខ្លាំងផងដែរ។ ជាពិសេស ការដើរម៉ូតគឺពិតជាល្អ មិនចាញ់បវរកញ្ញារៀមច្បងដែលធ្លាប់ចេញទៅប្រកួតលើឆាកអន្តរជាតិប៉ុន្មានឡើយ។ ហើយហ្វេនក៏តែងតែចង់ឃើញអាយដលតូចទាំងពីរខំពង្រឹងសមត្ថភាពខ្លួនឯងឲ្យល្អជាងមុនផងដែរ។ 

ជាក់ស្ដែង ថ្មីៗនេះមានដំណឹងដ៏គួរឲ្យភ្ញាក់ផ្អើលទៅកាន់ហ្វេនៗជាខ្លាំង ខណៈបវរកញ្ញា MPIC ឃឿន ប៉ូលីកា នឹងត្រូវទៅប្រកួតលើឆាកអន្តរជាតិក្នុងនាមជា Junior Idol World ហើយបវរកញ្ញាលំដាបើរងទី២ MPIC ឌៀប សុហ្វៀរ៉ា នឹងត្រូវទៅប្រកួតលើឆាកអន្តរជាតិដូចគ្នា ក្នុងនាមជា Little Miss Cambodia។ គួរបញ្ជាក់ផងដែរថា អ្នកទាំងពីរនឹងចេញដំណើរទៅប្រកួតនាដើមឆ្នាំ២០២៣ នៅឯប្រទេសថៃ៕ 

សូមទស្សនារូបភាពខាងក្រោម៖