កម្សាន្ត ៖ ថ្ងៃនេះយើងនឹងមកបង្ហាញអំពីទម្លាប់ និស្ស័យ បុគ្គលិកលក្ខណៈខ្លះៗរបស់មនុស្សដែលកើតថ្ងៃ អាទិត្យ។ តោះមកមើលថា តើអ្នកជាមនុស្សប្រភេទណា? តើវានឹងត្រូវនឹងបុគ្គលិកលក្ខណៈរបស់អ្នកដែរឬទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. អត្តចរិត
អ្នកកើតថ្ងៃអាទិត្យ គឺឆាប់ខឹងងាយ ហើយក្របាត់ រឹងរូស ងាយស្រលាញ់ តែឆាប់អផ្សុក រហ័សរហួន ពូកែចរចា។
២. ផ្កានាំសិរីមង្គល
ផ្កាដែលមានពណ៌លឿង ឬពណ៌ទឹកក្រូច ដូចជាផ្កាឈូករ័ត្ន ជឿថាវានឹងជួយអ្នករកឃើញតែរឿងល្អៗ។
៣. ទម្លាប់ពេលមានស្នេហា
ស្រលាញ់សេរីភាព ចិត្តធ្ងន់មិនងាយខឹង ចូលចិត្តធ្វើម្ហូបព្រោះយល់ថាមានមន្តស្នេហ៍ អាចអារម្មណ៍ល្អពេញមួយថ្ងៃ ពូកែរក្សាអាថ៌កំបាំង ចាយលុយដោយឈ្លាសវៃ និងយកចិត្តទុកដាក់បំផុត។
៤. ចំណុចខ្សោយរឿងស្នេហា
ចំណុចខ្សោយគឺបញ្ហាជនទីបី ប៉ុន្តែបើទោះមានគេចូលមកក៏ដោយ សូមឲ្យដៃគូស្នេហាមានការអត់ធ្មត់ យោគយល់ និងគាំទ្រគ្នា នៅពេលឆ្លងកាត់រឿងអាក្រក់ៗ នោះស្នេហានឹងស្ថិតស្ថេរជារៀងរហូត។
៥. បើចង់ចែចង់អ្នកកើតថ្ងៃអាទិត្យគួរដឹងថា ៖
មនុស្សកើតនៅថ្ងៃអាទិត្យ គឺជាមនុស្សអត់ធ្មត់ខ្លាំងណាស់ ហើយក៏ជាមនុស្សភ្លេចច្រើនណាស់ដែរ បើស្រលាញ់ហើយគឺស្រលាញ់ខ្លាំង លះបង់អស់ពីចិត្ត ប៉ុន្តែនៅពេលដែលស្អប់ ឬខឹងវិញ ធានាថាអ្នកនឹងមានវាសនាមិនល្អ ព្រោះថ្ងៃអាទិត្យជាមនុស្សចូលចិត្តជាប់គុំគួននឹងរឿងដដែលៗ។
៦. ទម្លាប់ការងារ
អ្នកកើតថ្ងៃអាទិត្យ ជាអ្នកមានអំណាច។ ក្នុងអង្គភាព ចូលចិត្តធ្វើជាអ្នកដឹកនាំ ចូលចិត្តរៀបចំផែនការ និងតែងតែបង្ហាញគោលដៅដល់អ្នកដទៃ។
៧. ទម្លាប់អាក្រក់
ទម្លាប់អាក្រក់របស់អ្នកគឺ ភាពក្រអឺតក្រទមរឹងរូស គ្មានអ្នកណាម្នាក់អាចហាមបានទេ។ អ្វីដែលអ្នកគិតថាត្រឹមត្រូវនឹងត្រឹមត្រូវ គឺមិនងាយផ្លាស់ប្តូរចិត្តដោយងាយទេ។ បើដឹងថាខ្លួនខុស ពេលខ្លះមិនសុំទោសទៀត ដូច្នេះភាពក្រអឺតក្រទមរបស់អ្នកគឺអាក្រក់បំផុត។
៨. ភាពទាក់ទាញ
អ្នកដែលកើតថ្ងៃអាទិត្យពិតជាលេចធ្លោណាស់ អ្នកមិនចាំបាច់បន្ថែមភាពទាក់ទាញខ្លាំងពេកទេ។ មន្តស្នេហ៍ គឺមើលថែអ្នកដទៃឲ្យបានល្អ តែងតែគិតពីអ្នកដ៏ទៃមុនខ្លួនឯង សេចក្តីសប្បុរសបន្តិចបន្តួច គឺជាអ្វីដែលធ្វើឲ្យអ្នកដទៃចូលចិត្តអ្នក៕
អត្ថបទដោយ ៖ Yukvey
Bong I.T