គាប់ជួបម៉្លេះ តិចម៉េង និងម្ចាស់ពាន២រដូវកាល ពាក់ចិញ្ចៀនដូចគ្នាបេះដាក់

រាជធានីភ្នំពេញ ៖ ពិតណាស់ ការប្រកួតចម្រៀងលំដាប់ពិភពលោក Cambodian Idol នេះបានពាំនាំមកទឹកដីកម្ពុជាអស់៣រដូវកាលហើយ ដោយរដូវកាលទី៤នេះ កំពុងតែសម្រិតសម្រាំងយ៉ាងស្វិតស្វាញនូវបេក្ខភាព ដែលសាកសមជាម្ចាស់ពានរង្វាន់របស់កម្មវិធី។

ក្នុងនោះ បេក្ខជន លីម តិចម៉េង ជាបេក្ខភាពមានប្រជាប្រិយភាពខ្លាំងជាងគេ ក្នុងចំណោមបេក្ខជនដទៃទៀត មិនត្រឹមមានហ្វេនជាសាមញ្ញជនទេ សូម្បីតែ គណៈកម្មការនិងបុគ្គលល្បីៗក្នុងសង្គមជាច្រើនទៀត ក៏ជាហ្វេនរបស់បេក្ខជនរូបនេះផងដែរ។

អ្វីដែលគួរឲ្យចាប់អារម្មណ៍ខ្លាំងទៀតនោះ គឺគាប់ជួនអ្វីម្លេះ ម្ចាស់ពានរង្វាន់រដូវកាលទី១ លោក នី រតនា និងម្ចាស់ពានរង្វាន់រដូវកាលទី២ កញ្ញា ឈិន ម៉ានិច ត្រូវហ្វេនៗសម្គាល់ឃើញមានពាក់ចិញ្ចៀនដូចគ្នានឹង បេក្ខជន លីម តិចម៉េង ទាំងម៉ូតនិងពណ៌របស់ត្បូងចិញ្ចៀនគឺដូចគ្នាបេះដាក់។ តើអាចទេ ជាសញ្ញាបញ្ជាក់ថា លីម តិចម៉េង នឹងក្លាយជាម្ចាស់ពានរដូវកាលថ្មីនេះ?៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖