កម្ពុជា៖ ជាការពិតណាស់កាលពីដើមសប្ដាហ៍នេះ មានវីដេអូមួយ បានបង្ហោះឲ្យដឹង ពីជីវិតដ៏សែនលំបាកនាពេលបច្ចុប្បន្ន របស់អតីតអ្នកប្រដាល់គុនខ្មែរល្បី គឺកីឡាករ ក្រាក់ សម្ផស្ស ដោយខ្លួន កំពុងស្នាក់នៅក្នុងកូនខ្ទមតូចជាមួយនឹងភរិយា អមនឹងកូនតូចៗ២នាក់ ដែលមានជីវភាពលំបាកខ្លាំង រកតែបាយហូបមិនចង់បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញ ពេលនេះ ជីវិត ក្រាក់ សម្ផស្ស ហាក់មានពន្លឺឡើងវិញ ក្រោយជីវីតដ៏សែនលំបាករបស់រូបគេ បានលេចឮទៅដល់ សម្ដេច តេជោហ៊ុនសែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដោយលោកទាំងពីរ បានធ្វើការឧបត្ថម្ភថវិកា ២ ម៉ឺនដុល្លារ ជូនទៅដល់អតីតកីឡាករគុនខ្មែរ ជើងចាស់រូបនេះ។
ទាក់ទងនឹង រឿងខាងលើ លោក ផែង វណ្ណៈ បានសរសរបង្ហោះ នៅលើគណនីហ្វេសប៊ុកថា៖
សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ឧបត្ថម្ភថវិកា ២ ម៉ឺនដុល្លារ ជូនដល់ កីឡាករ ក្រាក់សម្ផស្បនៅព្រឹកថ្ងៃទី ១៣ ខែ សីហា ឆ្នាំ ២០២២ នេះ សម្ដេចតេជោហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនបានឧបត្ថម្ភថវិកាចំនួន ២ម៉ឺនដុល្លារ អាមេរិកជូនដល់កីឡាករប្រដាល់ក្បាច់គុនខ្មែរ ក្រាក់ សម្ផស្បដែលកំពុងជួបការលំបាកក្នុងជីវភាពប្រចាំថ្ងៃ ។ ថវិកានេះ ខ្ញុំបាទនឹងយកទៅប្រគល់ជូន លោក ក្រាក់ សម្ផស្ប នៅថ្ងៃនេះតែម្ដង ។
ខ្ញុំបាទជួសមុខអោយ កីឡាករប្រដាល់ក្បាច់គុនខ្មែរ ក្រាក់សម្ផស្ប សូមគោរពអរគុណសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិតប៊ុន រ៉ានី ដែលតែងតែយកចិត្តទុកដាក់ជួយប្រជាពលរដ្ឋគ្រប់កាលៈទេសៈ ។ សូមគោរពជូនពរសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានសុខភាពល្អ បរិបូណ៌អាយុយឺនយូរ ដេីម្បីបន្តដឹកនាំនាវាកម្ពុជារក្សាបានសុខសន្តិភាព និងការអភិវឌ្ឍន៍
Bong I.T