កំពុងមានផ្ទៃពោះមែន តែ Son Ye Jin ឡើងស្អាតញា.ក់ រាងវិញនៅដដែល

កូរ៉េខាងត្បូង៖ កាលពីថ្មីៗនេះ យីហោភេសជ្ជៈមួយ ដែលតំណាងដោយ តារាស្រី Son Ye Jin បានបញ្ចេញឃ្លីបការផ្សាយពាណិជ្ជកម្ម បង្ហាញឲ្យឃើញពីសម្រស់របស់ តារាស្រីរូបនេះ ដែលមានការរៀបចំខ្លួនយ៉ាងទាក់ទាញ។

តាមរយៈការផ្សាយពាណិជ្ជកម្មថ្មីរបស់ Son Ye Jin ត្រូវបានអ្នកគាំទ្រចែករំលែកយ៉ាងឆាប់រហ័ស ពេញបណ្ដាញសង្គម ជាមួយនឹងការ​សរសើរ​ពី​សម្រស់​ដ៏​ស្រស់​ស្អាត​ លេចធ្លោ ក្នុងឈុតពណ៌ស ខណៈរូបនាងកំពុងតែមាន​ផ្ទៃពោះ។ 

ជាពិសេស នៅក្នុង​រូបភាព​ដែល​បាន​ផ្សព្វផ្សាយ​នោះ ហ្វេនៗជាច្រើន ​ក៏​បាន​បញ្ចេញ​មតិ​លើកឡើង ពីមុខមាត់​របស់ Son Ye Jin ដែលមើល​ទៅ ហាក់ដូចជាមាន​រាង​មូល​ បន្ទាប់​ពី​មាន​ផ្ទៃ​ពោះ។ តែទោះជាយ៉ាងណា សម្រស់របស់ នាងក៏មិនចាញ់ពីមុនប៉ុន្មាននោះទេ ខណៈដែលនៅតែរក្សាបាននូវសម្រស់ផូរផង់ និងរូបរាងទាក់ទាញមិនផ្លាស់ប្ដូរ៕

ប្រភព៖ Kenh14

សូមទស្សនារូបភាពខាងក្រោម៖