បុគ្គលិកលក្ខណៈរបស់មនុស្សកើតខែ មីនា!

កម្សាន្ត ៖ មនុស្សដែលកើតក្នុងខែមីនា ជាមនុស្សដែលមានមន្តស្នេហ៍ ហើយស៊ិចស៊ីគួរជាទីចាប់អារម្មណ៍ គិតតែពីខ្លួនឯងខ្ពស់ មានអាថ៌កំបាំង។ ចរិតពីធម្មជាតិរបស់ពួកគេគឺមានចិត្តទូលាយ និងចេះអាណិតអាសូរ ចូលចិត្តជួយអ្នកដទៃ យកចិត្តទុកដាក់ និងមើលថែអ្នកជុំវិញខ្លួន។

លើសពីនេះជាមនុស្សស្រលាញ់ភាពផ្ទាល់ខ្លួន និងសេរីភាពខ្ពស់ ប៉ុន្តែនៅពេលជាមួយគ្នានេះក៏ងាយស្រួលក្នុងការខឹងផងដែរ តែគុណភាពល្អបំផុតរបស់ពួកគេ គឺមិនដែលបោះបង់អ្វីងាយឡើយ ទោះស្ថានភាពលំបាកយ៉ាងណាក៏ដោយ អ្នកតែងតែព្យាយាមអស់ពីសមត្ថភាព។

ជាមនុស្សអ្នកមានការតាំងចិត្ត ហើយអ្នកចូលចិត្តរក្សាល្បឿនថេរក្នុងជីវិត មានវិចារណញាណដ៏រឹងមាំ ហើយអ្នកជឿថាអ្វីគ្រប់យ៉ាង គឺសុទ្ធតែរឿងល្អ។ មនុស្សដែលកើតក្នុងខែមីនា មានទំនោរជាមនុស្សគួរឲ្យចាប់អារម្មណ៍ ហើយចូលចិត្តធ្វើឲ្យមនុស្សយកចិត្តទុកដាក់ចំពោះខ្លួនឯង។

និស្ស័យពីកំណើតគឺស្រលាញ់ការធ្វើដំណើរ ចូលចិត្តរស់នៅក្នុងពិភពនៃក្តីស្រមៃ និងការស្រមើស្រមៃ មានទេពកោសល្យពិសេសក្នុងតន្ត្រី ហើយចូលចិត្តតុបតែងផ្ទះ៕

អត្ថបទដោយ ៖ Yukvey