កូរ៉េខាងត្បូង ៖ ថ្មីៗនេះការបង្ហោះតាម Twitter និងវេទិកាសហគមន៍អនឡាញផ្សេងទៀតទាក់ទងនឹងការលំបាកដែល aespa មានអារម្មណ៍ក្នុងអំឡុងពេល Debut ដំបូងរបស់ពួកគេ កំពុងក្លាយជាប្រធានបទដ៏គួរឲ្យចាប់អារម្មណ៍។

ងាកមកមើលពេលដែល SM Entertainment ប្រកាសថាពួកគេនឹងបង្ហាញក្រុមចម្រៀងស្រីថ្មី aespa ក្នុងនោះអ្នកគាំទ្រ Kpop ជាច្រើនមានការរំភើប ប៉ុន្តែអ្នកខ្លះខឹង និងសោកស្ដាយ ព្រោះវាស្របគ្នានឹងបញ្ហាអាកប្បកិរិយាមិនសមរម្យរបស់ Irene សមាជិកក្រុម Red Velvet កាលពីឆ្នាំ ២០២០។

អ្នកគាំទ្រមួយចំនួនបានគិតថា Red Velvet នឹងត្រូវជំនួស ចាប់តាំងពីពេលដែល SM Entertainment ផ្តោតអារម្មណ៍លើក្រុមចម្រៀងស្រីថ្មី ហើយក្រោយបង្ហាញខ្លួន ប្រតិកម្មប្រឆាំងនឹង aespa នៅតែមាន បន្ទាប់ពីវីដេអូខ្លីៗរបស់ពួកគេត្រូវបានចេញផ្សាយ ហើយសមាជិកចាប់ផ្តើមមានរឿងចចាមអារ៉ាមជាបន្តបន្ទាប់។

មេដឹកនាំរបស់ពួកគេគឺ Karina ដំបូងបានចែករំលែកគំនិតរបស់នាង ដោយនិយាយថាវាពិបាកសម្រាប់ពួកគេ ទោះបីជាពួកគេទទួលបានមតិវិជ្ជមានក៏ដោយ តែការស្អប់ដែលពួកគេទទួលបានគឺធំធេង។

Karina បានកត់សម្គាល់ថា វាជារឿងជៀសមិនរួចដែលពួកគេត្រូវបានរិះគន់ ព្រោះថាពួកគេជាក្រុមចម្រៀងស្រីថ្មីបំផុតពី SM Entertainment។ ក្រោយមកនាងបានបន្ថែមថា នាងគិតថាវាល្អដែលសមាជិករបស់នាងមានស្មារតីរឹងមាំ តែពួកគេក៏កំពុងមានការលំបាកជាមួយនឹងការស្អប់ដែលពួកគេកំពុងទទួលបាន រួមទាំងមតិទាក់ទងនឹងបទដំបូង "Black Mamba"។

តែបន្ទាប់ពី "Black Mamba" ក្រុម aespa បានចេញផ្សាយបទ "Next Level" ដែលបានធ្វើឲ្យប្រជាប្រិយភាពរបស់ពួកគេកើនឡើងយ៉ាងខ្លាំង ហើយចាប់តាំងពីពេលនោះមក ការស្អប់ដែលពួកគេទទួលបានបានថយចុះ។

ចុងក្រោយ aespa ទទួលបានភាពជោគជ័យកាន់តែច្រើនជាមួយនឹងការត្រឡប់មកវិញថ្មីៗនេះរបស់ពួកគេ "Girls" និងអាល់ប៊ុមដែលបានលក់បានរាប់លានបន្ទះ តាំងលើតារាងលក់ អន្តរជាតិ និងកូរ៉េ។

ពួកគេពេលនេះសប្បាយចិត្តនឹងអ្វីដែលពួកគេសម្រេចបាន ហើយបានរៀនពីអ្វីជាច្រើនចាប់តាំងពីពេល Debut ក្នុងអាជីពរបស់ពួកគេ ទោះជាពួកគេធ្វើបានល្អប៉ុណ្ណាក៏ដោយ នឹងមានអ្នកស្អប់រង់ចាំពួកគេបរាជ័យ។

សមាជិក aespa មានគ្នាទៅវិញទៅមកដើម្បីពឹងផ្អែកគ្នា និងមានក្រុមអ្នកគាំទ្រ MYs ដើម្បីឆ្លងកាត់ពេលវេលាល្អ និងអាក្រក់នៅក្នុងអាជីពរបស់ពួកគេ៕

ប្រភព ៖ Kpopstarz