មហារីកគឺជាជំងឺមួយប្រភេទស្ដែងចេញដោយការលូតលាស់នៃកោសិកាជាច្រើនរួមគ្នាមិនស្ថិតក្រោមការគ្រប់គ្រងរាងកាយ បង្កឲ្យមានការឈឺចាប់ និងអាចកើតឡើងគ្រប់ទីកន្លែងនៃរាងកាយផងដែរ។ ជាក់ស្ដែងណាស់ថា របបអាហារមិនអាចព្យាបាលជំងឹមហារីកឲ្យជាសះស្បើយបានទាំងស្រុងនោះទេ ប៉ុន្ដែរបបអាហារអាចជួយទប់ស្កាត់ការកកើត និង ការវិវត្ដនៃជំងឺបានមួយផ្នែកធំផងដែរ។ តាមការសិក្សាបានបង្ហាញពួកអាហារ មួយចំនួនអាចប្រឆាំងនឹងការលូតលាស់ជំងឺនេះ គឺពពួកអាហារដែលមានផ្ទុកសមាសធាតុ វីតាមីន រ៉ែ និង phytochemicals។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. បន្លែបៃតង
ពពួកបន្លែមានច្រើនប្រភេទ ពិសេសបន្លែស្ពៃតែម្ដង ជាអាហារល្អ មានផ្ទុកសមាសធាតុ phytochemicals ថែមទាំងអាចជួយប្រឆាំងទៅនឹងអុកស៊ីតកម្ម និងបញ្ហារលាកផ្សេងៗអាចបង្កទៅជាជំងឺមហារីកបាន។ បន្លែទាំងនោះមានដូចជា ស្ពៃខៀវ ស្ពៃក្ដោប ខាត់ណា និងខាត់ណាខៀវជាដើម។ បន្លែទាំងនេះមិនត្រឹមតែមានប្រយោជន៍ប្រឆាំងទៅនឹងអុកស៊ីតកម្មនោះទេ ថែមទាំងជាប្រភពវីតាមីន ជួយពង្រឹងទៅដល់ប្រព័ន្ធភាពស៊ាំក្នុងរាងកាយផងដែរ។
២.បន្លែមើម
បន្លែមើមក៏មានគុណប្រយោជន៍មិនចាញ់គ្នានោះដែរ ។ តាមការសិក្សាបានរកឃើញថា ការ៉ុត ជាប្រភេទបន្លែមានផ្ទុកសារធាតុ Pigment ជាសមាសភាពពណ៌ មានសមត្ថអាចកាត់បន្ថយហានិភ័យ ជំងឺមហារីកក្រពេញប្រូស្ដាតលើបុរស និង មហារីកសុដន់ចំពោះស្ដ្រី។ ក្រៅពីនោះទៀត ការ៉ុតជួយកាត់បន្ថយ មហារីកក្រពះពោះវៀន សួតផងដែរ។ បន្ថែមពីលើនេះទៀត នៅមាន ប្រភេទ ខ្ទឹមស ខ្ទឹមបារាំង សុទ្ធសឹងមានសមត្ថភាពប្រឆាំងនឹងជំងឺមហារីកដូចគ្នា។
៣.គ្រាប់ Walnuts និង គ្រាប់ធញ្ញជាតិ
គ្រាប់ Walnuts ជាប្រភេទគ្រាប់ធញ្ញជាតិដែលមានផ្ទុកសារធាតុ Polyphenol អាចប្រឆាំងទៅនឹងការរលាកដោយអុកស៊ីតកម្ម បញ្ជៀសពីជំងឺរលាកបាន។ ក្រៅពីនោះ Walnuts ក៏មានមកជាមួយនឹងអាស៊ីតខ្លាញ់ អូមេហ្គា៣ ថែមទៀតផង។ នៅមានគ្រាប់ធញ្ញជាតិផ្សេងទៀត ដូជា គ្រាប់ស្វាយចន្ទី សណ្ដែក គ្រាប់almond គ្រាប់ផ្កាឈូរ័ត្ន និង គ្រាប់ល្ពៅជាដើម សុទ្ធជាប្រភេទគ្រាប់ធញ្ញជាតិជួយប្រឆាំងនឹងជំងឺមហារីក។
៤.ផ្លែឈើ
ប្រភេទផ្លែឈើសំខាន់មានដូចជា ផ្លែប៉ោម ឈើរី ក្រូច ប៊ឺ ទំពាំងបាយជូរ ស្ដ្រប៊ិរី ដែលផ្លែឈើទាំងនេះមានសារធាតុវីតាមីនចម្រុះ និង សារធាតុរ៉ែសំខាន់ៗដែលរាងកាយត្រូវការ ពិសេសប្រព័ន្ធភាពស៊ាំ។ ប្រព័ន្ធភាពស៊ាំរឹងមាំ ជួយរារាំងការកើតមានជំងឺរលាកផ្សេងៗដែលជាកត្ដាសំខាន់បង្កទៅជាជំងឺមហារីកនៅពេលខាងមុខ។
ជារួមរបបអាហារ គឺជាចំណែកមួយនៃការការពាររាងកាយពីជំងឹផ្សេងៗ មិនថាជំងឹស្រាល ឬជំងឺធ្ងន់នោះទេ។ ប្រសិនជាយើងញ៉ាំអាហារណាដែលមានសារធាតុខ្លាញ់ ជាតិអាល់កុល អាហារផ្សែង នោះសុខភាពយើងប្រឈមនឹងកើតមានជំងឺខ្លាំងណាស់ដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet