អស្ចារ្យមែន! កំពូលស្មាតហ្វូន OPPO Find X5 Pro ដែលបានអភិវឌ្ឍន៍យ៉ាងពេញលេញ និងល្បីរន្ទឺប្រចាំឆ្នាំ ២០២២

ភ្នំពេញ៖ តើ OPPO Find Series ជាអ្វី? តើអ្នកចាប់ផ្តើមស្គាល់ Find Series នៅពេលណា?
សម្រាប់ Find X Series វាជាទូរស័ព្ទកំពូលដែលល្អជាងគេរបស់​ OPPO និងកើតចេញពីការស្វែងយល់នូវកង្វះខាតនៃទូរស័ព្ទកំពូលដទៃ ដែលគ្រប់ជំនាន់របស់ Find Series តែងតែនាំមកនូវបច្ចេកវិទ្យាឈានមុខគេជានិច្ច  ហើយមនុស្សជាច្រើនគិតថាកំពូលស្មាតហ្វូននេះ គឺផ្តោតតែលើកាមេរ៉ាមួយមុខគត់ ប៉ុន្តែគ្រប់យ៉ាងគឺមិនមែនបែបនេះឡើយ។

ជារៀងរាល់ឆ្នាំ OPPO តែងតែបញ្ចេញនូវកំពូលស្មាតហ្វូនត្រកូល Find X Series គ្រប់ជំនាន់ក្នុងការបោះជំហានកាន់តែជ្រៅទៅកាន់អនាគត ជាមួយការរចនាច្នៃប្រឌិតថ្មីៗ អេក្រង់ កាមេរ៉ា កម្លាំងម៉ាស៊ីនជាដើម។ ទីបំផុតថ្មីៗនេះ OPPO ប្រចាំប្រទេសកម្ពុជាបានប្រកាសដាក់បង្ហាញនូវតួឯកថ្មីចុងក្រោយបង្អស់គឺ OPPO Find X5 Pro 5G ញាត់ដោយបច្ចេកវិទ្យាខ្ពស់នៅខាងក្នុង និងដើរទន្ទឹមគ្នាជាមួយម៉ាកកាមេរ៉ាកំពូល Hasselblad ដើម្បីអភិវឌ្ឍសមត្ថភាពកាមេរ៉ាឲ្យស្ថិតក្នុងកម្រិតកំពូលដូចគ្នា ហើយថែមទាំងភ្ជាប់មកជាមួយប្រព័ន្ធដំណើរការ MariSilicon X NPU ដើម្បីនាំកាមេរ៉ាទៅកាន់កម្រិតបន្ទាប់ជួយបង្កើនការថតរូប និងវីដេអូក្នុងកម្រិត Ultra HD ឬ 4K ក្រៅពីនេះវាក៏មានលក្ខណៈពិសេសមួយទៀតគឺថាមពលថ្មកាន់បានយូរ ដែលភ្ជាប់មកជាមួយប្រព័ន្ធសាកថ្មល្បឿនលឿនបំផុត។ តោះ! ឥឡូវយើងមកជជែកគ្នានូវកំពូលស្មាតហ្វូន Find X5 Pro ពីចំណុចនីមួយៗឲ្យលម្អិតទាំងអស់ ៖

- OPPO x Hasselblad កាមេរ៉ាអាជីពសម្រាប់ Find X5 Pro

OPPO Find X5 Pro បានសហការគ្នាជាមួយម៉ាកកាមេរ៉ា Hasselblad ដើម្បីបង្កើនសមត្ថភាពដ៏អស្ចារ្យក្នុងការគ្រប់គ្រងពណ៌ ដែលធ្វើឲ្យគ្រប់សន្លឹករូបភាពដែលថតចេញពី Find X5 Pro សុទ្ធតែសម្រេចបាននូវស្តង់ដារពណ៌ល្អបំផុតពីវិទ្យាសាស្ត្រពណ៌ដ៏ជំនាញរយៈពេល 80 ឆ្នាំរបស់ Hasselblad ដែលធ្វើឲ្យអ្នកប្រើប្រាស់កាន់តែមានអារម្មណ៍សម្បូរបែប និងអស្ចារ្យជាងមុនទ្វេដង ជាពិសេសកម្រិតរូបភាពបែបអាជីពយ៉ាងពិតប្រាកដមែន។

- NPU ជំនួយកាមេរ៉ា MariSilicon X ផ្តល់សមត្ថភាពថតវីដេអូច្បាស់ក្នុងកម្រិត 4K នៅទីងងឹត

OPPO Find X5 Pro ជាស្មាតហ្វូនតែមួយគត់ និងដំបូងបង្អស់ ដែលបំពាក់បន្ទះឈីប MariSilicon X បង្កើតដោយផ្ទាល់ពី OPPO ពោរពេញដោយសមត្ថភាពខ្លាំងកម្រិតកំពូលដើម្បីជំនួយទៅលើប្រសិទ្ធភាពរួមមាន ការគណនាលើមុខងារថតរូប និងថតវិដេអូកាន់តែប្រសើរជាង NPU ដែលមានស្រាប់ក្នុងបន្ទះឈីប, ការប្រើប្រាស់ខ្នាតដំណើរការកម្រិតខ្ពស់ 6nm ប្រសិទ្ធភាពនៃការគណនាកាន់តែរហ័ស, សមត្ថភាពគណនា AI ខ្លាំងជាងកំពូលស្មាតហ្វូនដទៃ ជាពិសេសអភិវឌ្ឍន៍លើសមត្ថភាព 4K Ultra Night Video ឲ្យកាន់តែភ្លឺច្បាស់ជាងអ្វីដែលភ្នែកយើងអាចមើលឃើញនៅពេលយប់ ខណៈក្រុមហ៊ុនដទៃកំពុងបារម្ភអំពីការថតវីដេអូពេលយប់។

- កម្លាំងម៉ាស៊ីនលើ Find X5 Pro

OPPO Find X5 Pro ទទួលអត្ថប្រយោជន៍ពីបន្ទះឈីប Qualcomm Snapdragon 8 Gen 1 ជំនាន់ចុងក្រោយ ដែលមានរ៉េមទំហំ 12GB ជាមួយនឹងអង្គផ្ទុកទំហំ 256GB អ្នកប្រើប្រាស់គ្មានការព្រួយបារម្ភពេលប្រើកម្មវិធិ និងលេងហ្គេមដោយរលូនទាន់ចិត្តគ្រប់វិនាទី ទាំងនេះពិតជាសរសើរទៅ OPPO ដែលបានអភិវឌ្ឍន៍ខ្លួន និងយកចិត្តទុកដាក់ខ្ពស់។

- ថាមពលថ្ម 5000mAh + សាកថ្មលឿន 80W SuperVOOC + សាកថ្មឥតខ្សែ 50W AirVOOC

OPPO Find X5 Pro បំពាក់ថាមពលថ្ម 5000mAh ដែលអាចប្រើប្រាស់បានយូរពេញមួយថ្ងៃ ថែមទាំងបញ្ចូលថ្មបានយ៉ាងលឿនជាមួយបច្ចេកវិទ្យា 80W SuperVOOC ដែលអាចសាកថ្មចាប់ពី 0%-50% ក្នុងរយៈពេលត្រឹមតែ 12 នាទី។ ឯវដ្តជីវិតថ្មរបស់ Find X5 Pro ខ្ពស់ជាងមុន 2 ដងដែលមានដំបូងបង្អស់ក្នុងវិស័យស្មាតហ្វូន។ មិនតែប៉ុណ្ណោះក៏មានប្រព័ន្ធសាកថ្មឥតខ្សែ 50W AirVOOC ដែលសាកថ្មពី 0%-100% ក្នុងរយៈពេលត្រឹមតែ 47 នាទីប៉ុណ្ណោះ។

- រចនាបថរូបរាងបែបអនាគតលើ Find X5 Pro

OPPO Find X5 Pro ជាកំពូលស្មាតហ្វូនដែលផ្តល់នូវអារម្មណ៍ល្អប្រណិត និងមានរចនាបថរូបរាងបែបអនាគត ដោយផ្នែកខាងក្រោយកោងរួមបញ្ចូលរវាងបណ្តុំកាមេរ៉ា និងស្រទាប់ផ្ទៃខាងក្រោយគ្មានស្នាមថ្នេរ និងតួខ្លួនរលើបរលោងចែងចាំងគ្មានចំណុចទើសអារម្មណ៍។

ទាំងនេះពិតជាស័ក្កិសមជាកំពូលស្មាតហ្វូនត្រកូល Find Series ពិតប្រាកដមែន! ចុះសម្រាប់តម្លៃ? នេះបើយោងតាមការបង្ហើបតម្លៃពីម្ចាស់ហាងលក់ទូរស័ព្ទមួយចំនួននៅក្នុងប្រទេសកម្ពុជាបានឲ្យដឹងថា ចំពោះតម្លៃរបស់កំពូលស្មាតហ្វូនស៊េរីថ្មី OPPO Find X5 Pro គឺមានតម្លៃ​ $1199 ៕