អីយ៉ាស! ស្ងាត់ៗ Man UTD លួចទាក់ទង ចរចាជាមួយភ្នាក់ងាររបស់ខ្សែប្រយុទ្ធអាហ្សង់ទីនម្នាក់នេះ

បរទេស៖ ក្លិបបិសាចក្រហម Manchester United ត្រូវបានគេរាយការណ៍មកថា បានទាក់ទង ចរចាជាមួយភ្នាក់ងារ កីឡាករ Paulo Dybala ជុំវិញ ភាពអាចទៅរួច ក្នុងការផ្លាស់មកកាន់ទឹកដី Old Trafford ។

ខ្សែប្រយុទ្ធអន្តរជាតិសញ្ជាតិអាហ្សង់ទីន បច្ចុប្បន្នជាកីឡាករដែលគ្មានក្លិបលេង បន្ទាប់ពីផុតកុងត្រាជាមួយក្លិប Juventus ខណៈក្លិប Inter Milan កំពុងជាបេក្ខភាពឈានមុខគេ ក្នុងការនាំយកកីឡាករវ័យ២៨ឆ្នាំរូបនេះ។

ជាមួយគ្នានេះ នាយកប្រតិបត្តិក្លិប Inter លោក Giuseppe Marotta ថ្មីៗនេះ បានបញ្ជាក់ថា ក្លិបកំពុងចរចាយក Dybala ប៉ុន្តែពុំទាន់ឈានកិច្ចព្រមព្រៀងណាមួយនៅឡើយទេ។

យ៉ាងណាមិញ បើយោងតាម FC Inter News ក្លិបជើងឯក Premier League ១៣សម័យ Man UTD ក៏កំពុងទាក់ទងទៅកាន់ភ្នាក់ងាររបស់ Dybala ផងដែរ។

បន្ថែមពីនេះ ក្រៅពី Man UTD ក្លិប Newcastle United និង Tottenham Hotspur ពីមុនមក ក៏ធ្លាប់មានដំណឹងពាក់ព័ន្ធ ជាមួយ ​Dybala ប៉ុន្តែបច្ចុប្បន្នក្លិបទាំងពីរនេះ មិនត្រូវបានគិតថា ជាបេក្ខភាពដែល អាចទទួលបានខ្សែប្រយុទ្ធអាហ្សង់ទីនរូបនេះទេ ។

គួររម្លឹកដែរថា Dybala ធ្លាប់បានបង្ហាញខ្លួនឲ្យ​ Juventus បាន២៩៣ប្រកួត ស៊ុតបាន១១៥គ្រាប់ និង បញ្ជូនបាល់ឲ្យមិត្តរួមក្រុមបញ្ចប់ទីបាន៤៨ដង និងជួយក្លិបយក្សអ៊ីតាលីមួយនេះ លើកពាន Serie A បាន ៥សម័យ Coppa Italia ៤សម័យ និង Italian Super Cups ៣សម័យ៕

ប្រភព៖ .sportsmole