ចុម! មិនទាន់ចូលលេង១ប្រកួតផង កីឡាករចំណូលថ្មី Arsenal ម្នាក់នេះ មានបញ្ហារបួសបាត់

អង់គ្លេស៖ ខ្សែបម្រើចំណូលថ្មីរបស់ក្លិបកាំភ្លើងធំ Arsenal កីឡាករ Fabio Vieira បានរងរបួស មុនការប្រកួតត្រៀមបើករដូវកាលរបស់ក្លិប។

Vieira វ័យ២២ឆ្នាំ បានផ្លាស់មកចូលរួមជាមួយ Arsenal កាលពីខែមុន ក្នុងកិច្ចព្រមព្រៀងតម្លៃ ៣៤លានផោន (ឬប្រមាណ៤១លានដុល្លារ) ។ ជាមួយគ្នានេះ ការមកដល់របស់រូបគេ បានធ្វើឲ្យអ្នកចាត់ការលោក Mikel Arteta ពេញចិត្តជាខ្លាំង ដោយលើកសរសើរកោកៗថា ខ្សែបម្រើរូបនេះ ជាកីឡាករពិសេស នឹងជាជំនួយសម្រាប់ការប្រយុទ្ធក្នុងក្រុមរបស់គាត់។

លោក Arteta បានលើកឡើងយ៉ាងដូច្នេះថា៖

យ៉ាងណាមិញ ខ្សែបម្រើរូបនេះ ហាក់មានឧបសគ្គមួយទៅហើយ មុនពាក់អាវ​ Arsenal លេងត្រៀមបើករដូវកាល ដោយរូបគេ បានលេចធ្លាយរូបភាព របួសជើង តាមរយៈការបង្ហោះរបស់អ្នកគាំទ្រនៅលើបណ្ដាញសង្គម Instagram។

ប៉ុន្តែបើតាមអ្នកសារព័ត៌មានផ្នែកកីឡា លោក James Benge បានឲ្យដឹងថា វាមិនមានបញ្ហាអ្វីធ្ងន់ធ្ងរនោះទេ ដោយ Vieira គ្រាន់តែមានបញ្ហារបួសត្រង់ជើង បន្តិចបន្តួចប៉ុណ្ណោះ ៕