របស់ប្រើប្រាស់សម្រាប់សត្វចិញ្ចឹម ម៉ាកយីហោល្បី តម្លៃវិញ ថ្លៃ.ក.ប់.ហ្មង

អ៊ីតាលី៖ ថ្មីៗនេះ ក្រុមហ៊ុនរចនាម៉ូត Gucci នៅឯប្រទេសអ៊ីតាលី បានបង្ហាញនូវផលិតផលសម្រាប់សុនខ និងឆ្មា ដែលមានតាំងពីក្បាល ដល់ក្រញាំជើងរបស់ពួកវា ខណៈមានតម្លៃយ៉ាងខ្ពស់គួរឲ្យចាប់អារម្មណ៍។

ជាក់ស្ដែង ផលិតផលដែលមានតម្លៃខ្ពស់បំផុត រួមមានគ្រែសម្រាប់សត្វចិញ្ចឹមតម្លៃ៦,៩២៦ដុល្លារអាមេរិក, ឈុតចានដាក់ចំណីនៅពេលធ្វើដំណើរកម្សាន្តតម្លៃ៣,៦២៦ដុល្លារអាមេរិក, ចានចំណីដ៏ប្រណីតតម្លៃ៥៤៥ដុល្លារអាមេរិក ជាមួយនឹងគម្របដាច់ដោយឡែកតម្លៃ៧៣៩ដុល្លារអាមេរិក និងកន្ត្រកដាក់សត្វចិញ្ចឹមតម្លៃ៣,០៤៤ដុល្លារអាមេរិក។ ហើយចំពោះផលិតផលតម្លៃបន្ទាប់ មានដូចជាអាវតម្លៃ២៦៦ដុល្លារអាមេរិក, ដងដែកសម្រាប់ព្យួរថង់កាកសំណល់តម្លៃ៣៤៥ដុល្លារអាមេរិក, ក្រឡៅ.ក.តម្លៃ៣៨៧ដុល្លារអាមេរិក និងខ្សែថ្ពួកក្រឡៅ.ក. តម្លៃ៣០៩ដុល្លារអាមេរិក។

យ៉ាងណាមិញ យីហោ Gucci របស់ប្រទេសអ៊ីតាលី មិនមែនជាក្រុមហ៊ុនដំបូង ដែលផលិតផលិតផលសម្រាប់សត្វចិញ្ចឹមឡើយ ដែលកាលពីមុន ក៏ធ្លាប់មានយីហោ Prada, Valentino និង Moncler ផងដែរ៕

ប្រភព: Daily Mail

សូមទស្សនារូបភាពខាងក្រោម៖