ចាំស្វាគមន៍ផង! ទីបំផុតកីឡាករម្នាក់នេះព្រមព្រៀងផ្លាស់មក Man UTD ហើយ

ហូឡង់៖ សារព័ត៌មាន L'Equipe បានចុះផ្សាយថា ខ្សែការពារ Tyrell Malacia នៃក្លិប Feyenoord បានព្រមព្រៀងផ្លាស់មកក្លិប Manchester United ហើយ។

អ្នកកាសែត Fabrizio Romano បានបង្ហើបថា ភាគីលោក Erik Ten Hag បានព្យាយាមឆក់យក Malacia ខណៈដែលរូបគេសឹងតែព្រមព្រៀងផ្លាស់ទៅ Lyon ទៅហើយ។

បិសាចក្រហមបានស្នើប្រាក់ខ្ទង់ ១៥លានអឺរ៉ូ(ស្មើនឹងប្រមាណ ១៥.៩លានដុល្លារ)សម្រាប់កីឡាករសញ្ជាតិហូឡង់រូបនេះបូកជាមួយប្រាក់បន្ថែមចំនួន ២លានអឺរ៉ូ(ស្មើនឹងប្រមាណ ២.០៨ លានដុល្លារ)ទៀត។

កីឡាករវ័យ២២ឆ្នាំរូបនេះបានសម្រេចចិត្តច្បាស់ហើយថានឹងផ្ទេរមកទឹកដី Old Trafford ដែលគេអាចក្លាយជាកីឡាករដំបូងគេដែល Man United ចុះកុងត្រានៅទីផ្សារដោះដូររដូវក្ដៅនេះ៕

ប្រភព៖ sportskeeda