អង់គ្លេស៖ ខ្សែប្រយុទ្ធចំណូលថ្មីក្លិប Manchester City កីឡាករ Erling Haaland ត្រូវបានគេរាយការណ៍ថាចាប់អារម្មណ៍ក្នុងការផ្លាស់ទៅលំនៅដ្ឋានពីមុនរបស់ Paul Pogba ដែលស្ថិតនៅទីក្រុង Manchester។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កីឡាករវ័យ២១ឆ្នាំខាងលើ បានសម្រេចចិត្តចាកចេញពី Borussia Dortmund ដើម្បីផ្លាស់មកកាន់ Man City កាលពីពេលថ្មីៗនេះ បន្ទាប់ពីរូបគេបានបង្ហាញទម្រង់លេងល្អខ្លាំងនៅលើទឹកដីអាល្លឺម៉ង់ តាមរយៈការរកគ្រាប់បាល់បាន ៨៦គ្រាប់ ក្នុងចំណោមការបង្ហាញខ្លួន ៨៩ប្រកួត ហើយ រូបគេក៏ត្រូវបានគេចាត់ទុកជាខ្សែប្រយុទ្ធកំពុងល្អជាងគេម្នាក់នៅលើលោកផងដែរ។
ក្រោយមកដល់ Man City ភ្លាម បើតាមការចុះផ្សាយរបស់កាសែតកីឡា The Sun បានលើកឡើងថា Haaland កំពុងតែសម្លឹងឃើញផ្ទះដ៏ធំមួយដែលមាន៥បន្ទប់ ដែលជាផ្ទះរបស់ Pogba ធ្លាប់រស់នៅក្នុងអំឡុងពេលគេលេងឲ្យ Manchester United។ ផ្ទះដ៏ធំនេះត្រូវបានគេរំពឹងថា Pogba នឹងលក់ក្នុងតម្លៃប្រមាណ ៣លានផោន (ឬប្រមាណ ៣.៦លានដុល្លារ)៕
ប្រភព៖ sportskeeda